WALTA Act. | చెట్టు నరికివేతపై ఫారెస్ట్ అధికారుల విచారణ.. వాల్టా చట్టం ప్రకారం రూ.1,899 జరిమానా వేసిన అధికారులు

చిగురుమామిడి మండలం రేకొండ గ్రామపంచాయతీ ఆవరణలో నిబంధనలకు విరుద్ధంగా వేపచెట్టును తొలగించినట్లు గ్రామస్తుడి ఫిర్యాదు మేరకు ఫారెస్ట్ అధికారులు శనివారం విచారణ చేపట్టారు.

WALTA Act. | చిగురుమామిడి, అక్టోబర్ 31 : చిగురుమామిడి మండలం రేకొండ గ్రామపంచాయతీ ఆవరణలో నిబంధనలకు విరుద్ధంగా వేపచెట్టును తొలగించినట్లు గ్రామస్తుడి ఫిర్యాదు మేరకు ఫారెస్ట్ అధికారులు శనివారం విచారణ చేపట్టారు. ఎఫ్‌ఎస్‌ఓ (ఫారెస్ట్ సెక్షన్ ఆఫీసర్) అన్వర్ హుస్సేన్ పంచాయతీ కార్యాలయాన్ని సందర్శించి చెట్టు తొలగింపునకు సంబంధించిన వివరాలను పంచాయతీ కార్యదర్శి అజయ్ కుమార్‌ను అడిగి తెలుసుకున్నారు.

ఫారెస్ట్ అధికారులకు ముందస్తు సమాచారం ఇవ్వకుండా చెట్టును తొలగించడంపై ఎఫ్‌ఎస్‌ఓ అభ్యంతరం వ్యక్తం చేశారు. చెట్టు పరిమాణం, కొలతల ఆధారంగా వాల్టా చట్టం ప్రకారం రూ.1,899 జరిమానా విధించనున్నట్లు తెలిపారు. అయితే ఈ విషయాన్ని ఉన్నతాధికారులు పరిశీలించిన అనంతరం జరిమానా మొత్తం మరింత పెరిగే అవకాశం ఉందని పేర్కొన్నారు.