Chandurthi | అంబేద్కర్ పై అనుచిత వ్యాఖ్యలకు నిరసనగా దళిత సంఘాల ఆధ్వర్యంలో ధర్నా

భారత రాజ్యాంగ నిర్మాత డాక్టర్ బాబాసాహెబ్ అంబేద్కర్, దళిత యువకులపై అనుచిత వ్యాఖ్యలు చేసిన కాంగ్రెస్ జిల్లా నాయకుడు చింతపంటి రామస్వామిపై కేసు నమోదు చేసి అరెస్టు చేయాలని దళిత సంఘాల నాయకులు డిమాండ్ చేశారు.

Chandurthi | చందుర్తి, సెప్టెంబర్ 27 : Chandurthi భారత రాజ్యాంగ నిర్మాత డాక్టర్ బాబాసాహెబ్ అంబేద్కర్, దళిత యువకులపై అనుచిత వ్యాఖ్యలు చేసిన కాంగ్రెస్ జిల్లా నాయకుడు చింతపంటి రామస్వామిపై కేసు నమోదు చేసి అరెస్టు చేయాలని దళిత సంఘాల నాయకులు డిమాండ్ చేశారు. చందుర్తి మండల కేంద్రంలోని కోరుట్ల-వేములవాడ రహదారిపై ఆదివారం బైఠాయించి ధర్నా నిర్వహించారు. ఈ సందర్భంగా దళిత సంఘాల నాయకులు మాట్లాడుతూ అధికార పార్టీకి చెందిన కాంగ్రెస్ జిల్లా నాయకుడు రామస్వామి దళితుల పట్ల వివక్షతతో అహంకారపూరిత వ్యాఖ్యలతో నర్సింగాపూర్ గ్రామానికి చెందిన యువకులను,అంబేద్కర్ పై పరుష పదజాలంతో మాట్లాడిన తీరు సభ్య సమాజాన్ని కలచి వేసిందని పేర్కొన్నారు.

రాజ్యాంగం ద్వారా కల్పించిన పదవులను చేపట్టి అధికార పార్టీని అడ్డం పెట్టుకొని ఇందిరమ్మ ఇళ్లు,ప్రభుత్వ పథకాలు ఇవ్వమని బెదిరింపులకు పాల్పడడం తో పాటు దళితులను దూషించడం పట్ల తీవ్ర స్థాయిలో హెచ్చరించారు.అంబేద్కర్ పై చేసిన వ్యాఖ్యలను వెంటనే ఉపసంహరించుకొని బే షరతుగా క్షమాపణ చెప్పాలని లేకుంటే పెద్ద ఎత్తున ఆందోళనలతో పాటు ఈనెల 30న సిరిసిల్లలో నిర్వహించే ముఖ్యమంత్రి సభను అడ్డుకుంటామని హెచ్చరించారు. దళిత సంఘాల ఆధ్వర్యంలో ఎస్సై రమేష్ కు వినతిపత్రం అందజేశారు. అనంతరం అంబేద్కర్ విగ్రహానికి పాలాభిషేకం నిర్వహించి నివాళులర్పించారు. ఈ కార్యక్రమంలో అంబేద్కర్ డివిజన్ సంఘం అధ్యక్షుడు దమ్మ ఆనంద్, జిల్లా మాల మహానాడు అధ్యక్షుడు నీరటి శ్రీనివాస్, మాజీ ఏఎంసీ చైర్మన్ దప్పుల అశోక్, మాల డివిజన్ అధ్యక్షుడు బత్తుల కమలాకర్, ఎమ్మార్పీఎస్ రాష్ట్ర నాయకులు అవునూరి ప్రభాకర్, జిల్లా కన్వీనర్ భిక్షపతి, మండల అధ్యక్షుడు ఏసు కుమార్, కట్కూరి ప్రశాంత్, వివిధ గ్రామాల నాయకులు పాల్గొన్నారు.