Silicon Valley Bank: ఎస్వీబీ మూసివేత‌కు ముందు రోజు.. 42 బిలియ‌న్ల డాల‌ర్ల విత్‌డ్రా !

Silicon Valley Bank: అమెరికాలో సిలికాన్ వ్యాలీ బ్యాంక్‌ను మూసివేశారు. అయితే మూసివేత‌కు ముందు రోజు ఆ బ్యాంక్ నుంచి 42 బిలియ‌న్ల డాల‌ర్లు విత్‌డ్రా చేసే ప్ర‌య‌త్నం జ‌రిగిన‌ట్లు తెలుస్తోంది.

న్యూయార్క్‌: అమెరికాలోని సిలికాన్ వ్యాలీ బ్యాంక్‌(Silicon Valley Bank)ను మూసివేశారు. ఫెడ‌ర‌ల్ డిపాజిట్ ఇన్సూరెన్స్ కార్పొరేష‌న్‌(ఎఫ్‌డీఐసీ) ఈ విష‌యాన్ని ప్ర‌క‌టించింది. గ‌డిచిన 15 ఏళ్ల‌లో ఆ దేశంలో ఆ ఆర్థిక సంస్థ కుప్ప‌కూల‌డం ఇదే మొద‌టిసారి. అమెరికాలో ఇన్నాళ్లూ ఎస్వీబీ బ్యాంక్ 16వ అతిపెద్ద బ్యాంక్‌గా కొన‌సాగింది. కానీ శుక్ర‌వారంతో ఆ బ్యాంక్ మ‌నుగ‌డ ముగిసింది. బ్యాంక్ దివాళా తీస్తున్న వార్త‌లు వ్యాపించ‌డంతో.. భారీ సంఖ్య‌లో డిపాజిట‌ర్లు(depositors) త‌మ డ‌బ్బు విత్‌డ్రా కోసం ఎగ‌బ‌డ్డారు.

గ్రేట్ రిసెష‌న్(great recession) త‌ర్వాత మూత‌ప‌డ్డ అతిపెద్ద రెండ‌వ బ్యాంక్‌గా ఎస్వీబీ నిలిచింది. 2008లో వాషింగ్ట‌న్ మ్యూచువ‌ల్(washington mutual) బ్యాంక్ మూత‌ప‌డిన విష‌యం తెలిసిందే. 300 బిలియ‌న్ల డాల‌ర్ల నిలువ ఉన్న స‌మ‌యంలో వాషింగ్ట‌న్ మ్యూచువ‌ల్ బ్యాంక్‌ను మూసివేశారు.

బ్యాంక్‌ను మూసివేయ‌నున్న‌ట్లు వార్త‌లు రావ‌డంతో.. గురువారం భారీ సంఖ్య‌లో ఇన్వెస్ట‌ర్లు, డిపాజిట‌ర్లు త‌మ సొమ్మును తీసుకునే(withdraw) ప్ర‌య‌త్నం చేశారు. గురువారం రోజున దాదాపు 42 బిలియ‌న్ల డాల‌ర్ల డ‌బ్బును డిపాజిట‌ర్లు వెన‌క్కి తీసుకునే ప్ర‌య‌త్నం చేసిన‌ట్లు అధికారులు తెలిపారు.