Visit:
వాషింగ్టన్: అమెరికా శ్వేతసౌధం(White House ) కీలక ప్రకటన చేసింది. ఆపరేషన్ ఎపిక్ ఫ్యూరీ 38 రోజుల పాటు సాగినట్లు చెప్పింది. అయితే ఆ 38 రోజుల్లో తమ మిలిటరీ లక్ష్యాలను అందుకున్నట్లు వైట్హౌజ్ ప్రెస్ సెక్రటరీ కరోలినా లివియేట్ తెలిపారు. ఆమె తన ఎక్స్ అకౌంట్లో ఓ ట్వీట్ చేశారు. ఆపరేషన్ ఎపిక్ ఫ్యూరీ ద్వారా అనుకున్నదాని కన్నా ఎక్కువే సాధించినట్లు చెప్పారు. ఇది అమెరికా విక్టరీ అని, ఈ విజయం ట్రంప్కు దక్కుతుందని, అసాధారణ సైన్యం ఈ విజయాన్ని నిజం చేసిందన్నారు. ఇరాన్పై సమరం సుమారు నాలుగు నుంచి ఆరు వారాల పాటు జరుగుతుందని మొదటి నుంచీ ట్రంప్ పేర్కొన్న విషయాన్ని వైట్హౌజ్ సెక్రటరీ తన పోస్టులో గుర్తు చేశారు. ఫిబ్రవరి 28వ తేదీన ఇరాన్పై అమెరికా-ఇజ్రాయెల్ దళాలు ఆకస్మిక దాడి చేశాయి. అయితే ఆ ఆపరేషన్ కనీసం 4 నుంచి 6 వారాల్లో ముగుస్తుందని ట్రంప్ పేర్కొన్న విషయం తెలిసిందే.
అమెరికా మిలిటరీ సామర్థ్యం నమ్మశక్యం కానిదని, ఇక మిలిటరీ సంబరాలు చేసుకుంటున్నట్లు లివియేట్ పేర్కొన్నారు. మన యోధుల సామర్థ్యం అనిర్వచనీయమని, కేవలం 38 రోజుల్లోనే కీలకమైన మిలిటరీ లక్ష్యాలను అందుకున్నట్లు ఆమె చెప్పారు. రక్షణ శాఖ మంత్రి ఈపట్ హెగ్సెత్, త్రివిధ దళాల చీఫ్లతో పెంటగాన్ త్వరలో మీడియా బ్రీఫింగ్ ఇవ్వనున్నట్లు ఆమె పేర్కొన్నారు. ఇన్నాళ్లూ బాంబు వర్షంతో ఇరాన్ను అతలాకుతలం చేసినా అమెరికా.. ఇప్పుడు దౌత్య మార్గంలో పరిష్కారాన్ని వెతుకుతున్నట్లు తెలుస్తోంది. ఇరాన్తో సమస్య పరిష్కారానికి దౌత్య మార్గం ఓపెన్గా ఉన్నట్లు తన పోస్టులో ప్రెస్ సెక్రటరీ తెలిపారు. మిలిటరీ సాధించిన విజయం వల్ల.. ఇరాన్తో దౌత్య చర్చలు చేపట్టేందుకు ట్రంప్కు అవకాశం వచ్చిందన్నారు. దీని వల్ల దీర్ఘకాలిక శాంతి వర్ధిల్లుతుందని ఆమె ఆశించారు. హోర్ముజ్ జలసంధిని ఓపెన్ చేయబోతున్న అంశాన్ని కూడా లివియేట్ తన ట్వీట్లో రాశారు. ట్రంప్ సామర్థ్యాన్ని తక్కువగా అంచనా వేయవద్దు అని, అమెరికా ప్రయోజనాలు, శాంతి కోసం ఆయన పోరాటం చేస్తున్నట్లు లివియేట్ తన పోస్టులో వెల్లడించారు.
This is a victory for the United States that President Trump and our incredible military made happen.
From the very beginning of Operation Epic Fury, President Trump estimated this would be a 4-6 week operation.
Thanks to the unbelievable capabilities of our warriors, we have…
— Karoline Leavitt (@PressSec) April 8, 2026
