అంతరిక్షంలో నీళ్లు.. మహాసముద్రాలను మించిన భారీ వాటర్‌ రిజర్వాయర్‌ గుర్తింపు

అంతరిక్షంలో నీటిజాడ కోసం అన్వేషిస్తున్న ఖగోళ పరిశోధకులు ఓ ముందడుగు వేశారు. భూమిపై ఉన్న మహాసముద్రాలన్నింటి కంటే అతిభారీ వాటర్‌ రిజర్వాయర్‌ను గుర్తించారు. ఇది అంతరిక్షంలో క్వాసర్‌ అనే బ్లాక్‌హోల్‌ చుట్టూ తేలియాడుతున్నట్టు కనుగొన్నారు.

కాలిఫోర్నియా, డిసెంబర్‌ 12: అంతరిక్షంలో నీటిజాడ కోసం అన్వేషిస్తున్న ఖగోళ పరిశోధకులు ఓ ముందడుగు వేశారు. భూమిపై ఉన్న మహాసముద్రాలన్నింటి కంటే అతిభారీ వాటర్‌ రిజర్వాయర్‌ను గుర్తించారు. ఇది అంతరిక్షంలో క్వాసర్‌ అనే బ్లాక్‌హోల్‌ చుట్టూ తేలియాడుతున్నట్టు కనుగొన్నారు. ఇది భూమిపై ఉన్న మహాసముద్రాల్లోని నీటికంటే 140 ట్రిలియన్ల రెట్ల ద్రవ్యరాశిని కలిగి ఉన్నట్టు తేల్చారు.

ఈ వాటర్‌ రిజర్వాయర్‌ భూమి నుంచి 12 బిలియన్ల కాంతి సంవత్సరాల దూరంలో ఉన్నందున టెలిస్కోప్‌తో చూడలేమని పేర్కొన్నారు. క్వాసర్‌ బ్లాక్‌హోల్‌ చుట్టూ ఉన్న భిన్నమైన వాతావరణమే ఈ నీటిసృష్టికి కారణమని తేల్చారు.