Joint Baby Shower | ఐదుగురిని గర్భవతులు చేశాడు.. వారితో కలిసి ఫొటోకు పోజిచ్చాడు

Joint Baby Shower | ఒక యువకుడు ఐదుగురు మహిళలను గర్భవతులుగా చేశాడు. కడుపుతో ఉన్న వారితో కలిసి ఫొటోకు పోజిచ్చాడు. (Joint Baby Shower) ఐదుగురు మహిళల ద్వారా ఐదుగురు సంతానానికి స్వాగతం పలుకనున్నట్లు పేర్కొన్నాడు.

వాషింగ్టన్‌: ఒక యువకుడు ఐదుగురు మహిళలను గర్భవతులుగా చేశాడు. కడుపుతో ఉన్న వారితో కలిసి ఫొటోకు పోజిచ్చాడు. (Joint Baby Shower) ఐదుగురు మహిళల ద్వారా ఐదుగురు సంతానానికి స్వాగతం పలుకనున్నట్లు పేర్కొన్నాడు. విస్తూపోయే ఈ సంఘటన అమెరికాలో జరిగింది. న్యూయార్క్‌కు చెందిన 22 ఏళ్ల జెడ్డీ విల్ ఒక సంగీతకారుడు. అతడితో సంబంధం ఉన్న ఐదుగురు మహిళలు గర్భం దాల్చారు. ఈ నేపథ్యంలో వారంతా కలిసి ఒక చోట వేడుక చేసుకున్నారు. జనవరి 14న క్వీన్స్‌లో షవర్‌లో పార్టీ ఇచ్చుకున్నారు. ఈ సందర్భంగా తన వల్ల ప్రెగ్నెంట్‌ అయిన ఐదుగురు మహిళలతో కలిసి జెడ్డీ విల్ ఫొటోలు దిగాడు. ‘లిటిల్ జెడ్డీ విల్స్ 1-5కు స్వాగం’ అన్న పేరుతో ఈ కార్యక్రమం నిర్వహించారు.

కాగా, ఇప్పుడు తామంతా జెడ్డీ విల్‌కు భార్యలమని గర్భవతి అయిన 29 ఏళ్ల ఆష్లీ తెలిపింది. బహుభార్యలున్న కుటుంబ జీవితాలకు సంబంధించిన టీఎల్‌సీ షోలో పలు ఆసక్తికర విషయాలు వెల్లడించింది. తల్లులు కాబోతున్న తనతోపాటు బోనీ బీ, కే మెరీ, జిలీన్ విలా, ఇయాన్లా కలీఫా గల్లెట్టి ఒకేచోట కలిసి ఉండేందుకు అంగీకరించినట్లు చెప్పింది. తమ పిల్లల మంచి కోసం పెద్ద కుటుంబంగా ఉండాలని నిర్ణయించినట్లు తెలిపింది. తమ కుటుంబాలు కూడా దీనికి అంగీకరించాయని చెప్పింది.

మరోవైపు జెడ్డీ విల్‌ ద్వారా గర్భవతులైన ఐదుగురు మహిళలు కలిసి దిగిన ఫొటోలు, డ్యాన్స్‌ చేస్తూ ఆనందించిన వీడియోలను సోషల్‌ మీడియాలో ఆష్లీ షేర్‌ చేసింది. వైరల్‌ అయిన ఈ ఫొటోలు, వీడియోలపై నెటిజన్లు భిన్నంగా స్పందించారు. ఒక వ్యక్తి ద్వారా ఐదుగురు మహిళలు గర్భవతులు కావడంపై చాలా మంది అసంతృప్తి వ్యక్తం చేశారు. ఇలాంటి సంప్రదాయేతర జీవితానికి ఆ మహిళలు, వారి కుటుంబాలు ఎలా అంగీకరించాయోనని కొందరు ప్రశ్నించారు. ఇది నమ్మదగినదిగా లేదని, నిజం కాదనిపిస్తోందని మరికొందరు అనుమానం వ్యక్తం చేశారు.

 

View this post on Instagram

 

A post shared by Lizzy Ashliegh (@lizzyashmusic)