మాస్కో: లాన్సెట్ కమికేజ్ డ్రోన్ల(Kamikaze Drones)ను రష్యా అప్గ్రేడ్ చేసింది. చాలా దూరంలో ఉన్న ఉక్రెయిన్ వైమానిక క్షేత్రాలను కూడా ఇప్పుడు ఆ డ్రోన్లు చేరుకోగలవు. దాదాపు 80 కిలోమీటర్ల దూరంలో ఉక్రెయిన్ యుద్ధ క్షేత్రంలో ఉన్న జెట్ను.. కొత్తగా డెవలప్ చేసిన కమికేజ్ డ్రోన్ పేల్చివేసింది. ఉక్రెయిన్ ఎయిర్ఫీల్డ్లో ఉన్న మిగ్-29 విమానాన్ని.. లాన్సెట్ డ్రోన్ అటాక్ చేసింది. ఈ ఘటనకు చెందిన వీడియో ఒకటి మంగళవారం నుంచి ఆన్లైన్లో చక్కర్లు కొడుతోంది. క్రివోయ్ రోగ్ మిలిటరీ ఎయిర్ఫీల్డ్లో ఉన్న కోవియెట్ కాలం నాటి మిగ్-29 విమానాన్ని.. రష్యాకు చెందిన లాన్సెట్ కమికేజ్ డ్రోన్ పేల్చివేసింది. పేలోడ్ను ఎత్తుకెళ్లిన ఓ డ్రోన్.. దాన్ని ఆ మిగ్ ఆగి ఉన్న ఎయిర్బేస్పై వదిలింది. మిగ్ వద్ద పేలుడు జరిగిన దృశ్యాలను రెండో డ్రోన్ చిత్రీకరించింది.
MIG-29 at Krivoy Rog airport getting hit by a lancet.
Lol pic.twitter.com/b9SpPSEr98
— ayden (@squatsons) September 19, 2023
సాధారణంగా రష్యా ఎప్పుడూ లాన్సెట్ డ్రోన్లను వాడుతుంది. పశ్చిమ దేశాలకు చెందిన ట్యాంకులను ఈ డ్రోన్లు చాలా ఈజీగా అటాక్ చేస్తున్నాయి. అయితే తాజాగా డెవలప్ చేసిన లాన్సెట్ కమికేజ్ డ్రోన్ మరింత కలవరం పుట్టిస్తోంది. గతంలో ఉన్న రేంజ్ను దాటి ఇప్పుడు ఆ డ్రోన్ మరింత దూరం ముందుకు వెళ్తున్నట్లు నిపుణులు చెబుతున్నారు. లాన్సెట్ వర్షన్లో రెండు రకాల డ్రోన్లు ఉన్నాయి. చిన్నపాటి లాన్సెట్ డ్రోన్ .. కేజీ బరువున్న పేలోడ్ను.. 30 నిమిషాల పాటు మోసుకెళ్లగలదు. ఇక మరో వర్షన్ డ్రోన్ 3కేజీల బరువును.. 40 నిమిషాల పాటు మోసుకెళ్లగలదు.