HIV: 2023లో 4 కోట్ల మందికి హెచ్ఐవీ.. యూఎన్ కొత్త రిపోర్టు

HIV: ఎయిడ్స్ వ్యాధికి కార‌ణ‌మైన హెచ్ఐవీ వైర‌స్‌తో 2023లో సుమారు 4 కోట్ల మంది బాధ‌ప‌డిన‌ట్లు ఐక్య‌రాజ్య‌స‌మితి త‌న కొత్త రిపోర్టులో పేర్కొన్న‌ది. సుమారు 90 ల‌క్ష‌ల మందికి చికిత్స అంద‌డం లేద‌ని, దీని వ‌ల్ల ఎయిడ్స్ సంబంధిత రుగ్మ‌త‌ల‌తో ప్ర‌తి నిమిషానికి ఒక వ్య‌క్తి ప్రాణాలు కోల్పోతున్న‌ట్లు యూఎన్ తెలిపింది.

న్యూయార్క్: ఎయిడ్స్ వ్యాధికి కార‌ణ‌మైన హెచ్ఐవీ వైర‌స్‌(HIV Virus)తో 2023లో సుమారు 4 కోట్ల మంది బాధ‌ప‌డిన‌ట్లు ఐక్య‌రాజ్య‌స‌మితి త‌న కొత్త రిపోర్టులో పేర్కొన్న‌ది. సుమారు 90 ల‌క్ష‌ల మందికి చికిత్స అంద‌డం లేద‌ని, దీని వ‌ల్ల ఎయిడ్స్ సంబంధిత రుగ్మ‌త‌ల‌తో ప్ర‌తి నిమిషానికి ఒక వ్య‌క్తి ప్రాణాలు కోల్పోతున్న‌ట్లు యూఎన్ తెలిపింది. ఎయిడ్స్ మ‌హ‌మ్మారిని ప్ర‌పంచ‌వ్యాప్తంగా నియంత్రించేందుకు ప్ర‌య‌త్నాలు జ‌రుగుతున్నా.. కానీ ఆ వ్యాధి నిర్మూల‌న‌కు కావాల్సిన నిధులు త‌గ్గుతున్న‌ట్లు యూఎన్ పేర్కొన్న‌ది. మూడు ప్రాంతాల్లో మాత్రం ఇన్‌ఫెక్ష‌న్లు పెరుగుతున్నాయ‌ని, మిడిల్ ఈస్ట్‌, నార్త్ ఆఫ్రికా, ఈస్ట్రన్ యూరోప్ అండ్ సెంట్ర‌ల్ ఆసియా, లాటిన్ అమెరికాలో హెచ్ఐవీ ఇన్‌ఫెక్ష‌న్లు పెరుగుతున్న‌ట్లు తేలింది. ఎయిడ్స్ సంబంధిత వ్యాధుల‌తో 2023లో 630000 మంది మ‌ర‌ణించారు. 2004లో 21 ల‌క్ష‌లుగా ఉన్న మ‌ర‌ణాల సంఖ్య క్ర‌మంగా త‌గ్గిన‌ట్లు యూఎన్ తెలిపింది.