రష్యాపై ‘9/11’ తరహా దాడులు

అమెరికాలో జరిగిన 9/11 దాడుల తరహాలో రష్యాకు చెందిన కజాన్‌ నగరంలోని బహుళ అంతస్తుల భవనాలపై ఉక్రెయిన్‌ శనివారం డ్రోన్‌ దాడులు నిర్వహించింది. కమికాజ్‌ డ్రోన్లతో ఉక్రెయిన్‌ ఈ దాడులు జరిపినట్లు మీడియా కథనాలు తెలిపాయి.

• డ్రోన్లు ప్రయోగించిన ఉక్రెయిన్‌

కజాన్‌: అమెరికాలో జరిగిన 9/11 దాడుల తరహాలో రష్యాకు చెందిన కజాన్‌ నగరంలోని బహుళ అంతస్తుల భవనాలపై ఉక్రెయిన్‌ శనివారం డ్రోన్‌ దాడులు నిర్వహించింది. కమికాజ్‌ డ్రోన్లతో ఉక్రెయిన్‌ ఈ దాడులు జరిపినట్లు మీడియా కథనాలు తెలిపాయి. బహుళ అంతస్తుల నివాస భవనాలను డ్రోన్లు నేరుగా ఢీకొన్న దృశ్యాలను 9/11 తరహా దాడులుగా కొందరు నెటిజన్లు అభివర్ణించారు.

దాడి జరిగిన ప్రాంతానికి ఎమర్జెన్సీ సర్వీసులు బయల్దేరి వెళ్లినట్లు రష్యన్‌ వార్తా సంస్థ టాస్‌ తెలిపింది. ఈ దాడిలో ప్రాణనష్టం జరిగినట్లు తెలియరాలేదని, దాడికి గురైన భవనాల నుంచి ప్రజలను ఖాళీ చేయిస్తున్నట్లు తెలిసింది. తమ టటరస్తాన్‌ రిపబ్లిక్‌పై ఎగురుతున్న మానవ రహిత వాహనాన్ని రక్షణ దళాలు కూల్చివేసినట్టు రష్యా రక్షణ శాఖ ప్రకటించిన కొన్ని గంటల్లోనే ఈ దాడి జరిగింది.