వాషింగ్టన్: ప్రపంచవ్యాప్తంగా డెల్టా వేరియంట్ కరోనా వైరస్ హడలెత్తించిన విషయం తెలిసిందే. అయితే తాజాగా డెల్టా ప్లస్ వేరియంట్ కూడా దూసుకువెళ్తోంది. డెల్టా వైరస్ మ్యుటేషన్ చెందుతున్న తీరుపై అమెరికాకు చెందిన ఫుడ్ అండ్ డ్రగ్ అడ్మినిస్ట్రేషన్ మాజీ కమీషనర్ స్కాట్ గాట్లిబ్ ఆందోళన వ్యక్తం చేశారు. డెల్టా వేరియంట్ మ్యుటేషన్ వల్ల ఏర్పడిన డెల్టా ప్లస్ వేరియంట్పై తక్షణమే దర్యాప్తు చేపట్టాలన్నారు. డెల్టా ప్లస్ వేగంగా విస్తరిస్తుందా లేదా అన్న అంశాన్ని తేల్చేందుకు అర్జెంట్గా పరిశోధన చేపట్టాలని ఆయన కోరారు. డెల్టా ప్లస్ వేరియంట్ వైరస్కు ఇమ్యునిటీని తప్పించుకునే శక్తి ఉందన్న అనుమానాలను ఆయన వ్యక్తం చేశారు. డెల్టా ప్లస్తో పాటు ఇతర కొత్త వేరియంట్ల ప్రవర్తన తీరుపై అధ్యయనం చేయాలన్నారు. ఆదివారం బ్రిటన్లో మళ్లీ కరోనా కేసుల సంఖ్య పెరిగిన నేపథ్యంలో డెల్టా ప్లస్ వ్యాప్తి గురించి స్టడీ చేయాలని గాట్లిబ్ అభిప్రాయపడ్డారు. డెల్టా ప్లస్ స్ట్రెయిన్లో K417N మ్యుటేషన్ ఉందని, ఇదే స్ట్రెయిన్ బీటా వెరియంట్లో కనిపిస్తోందని, దాని వల్ల రీఇన్ఫెక్షన్ రిస్క్ ఎక్కువగా ఉన్నట్లు అర్థమవుతోందని ఆయన ఆందోళన వ్యక్తం చేశారు.