మెక్సికో సిటి: బార్లో నుంచి వెళ్లగొట్టడంతో ఆగ్రహానికి లోనైన ఓ మందుబాబు.. ఆ బారుకు నిప్పు అంటించాడు. దీంతో అందులో ఉన్న 11మంది ప్రాణాలు కోల్పోయారు. ఆరుగురు తీవ్రంగా గాయపడ్డారు. మెక్సికోలోని సాన్ లూయిస్ రియో కొలరాడోలో శనివారం అర్ధరాత్రి ఈ ఘటన చోటుచేసుకుంది.
నిందితుడ్ని విచారిస్తున్నామని సోనోరా అటార్నీ జనరల్ తెలిపారు. బార్లో తప్పతాగి అక్కడున్న మహిళల పట్ల నిందితుడు అసభ్యంగా ప్రవర్తించటంతో, అతడ్ని బార్ నుంచి వెళ్లగొట్టారు. దీంతో అతడు ఆ బార్కు నిప్పుపెట్టాడు.