Perry High School | హై స్కూల్‌లో కాల్పులు.. ఆరో తరగతి విద్యార్థి మృతి

అమెరికాలో మరోసారి తుపాకీ కాల్పులు కలకలం సృష్టించాయి. లోవా స్టేట్‌లోని పెర్రీ హైస్కూల్‌లో (Perry High School) చొరబడిన ఓ టీనేజర్‌.. హాండ్‌గన్‌, షాట్‌గన్‌తో విచక్షణారహితంగా కాల్పులు జరిపాడు.

వాషింగ్టన్‌: అమెరికాలో మరోసారి తుపాకీ కాల్పులు కలకలం సృష్టించాయి. లోవా స్టేట్‌లోని పెర్రీ హైస్కూల్‌లో (Perry High School) చొరబడిన ఓ టీనేజర్‌.. హాండ్‌గన్‌, షాట్‌గన్‌తో విచక్షణారహితంగా కాల్పులు జరిపాడు. దీంతో ఆరో తరగతి చదవుతున్న ఓ విద్యార్థి అక్కడికక్కడే మృతిచెందగా, మరో ఐదుగురు తీవ్రంగా గాయపడ్డారు. సమాచారం అందుకున్న పోలీసులు హుటాహుటిన ఘటనా స్థలానికి చేరుకున్నారు. పోలీసుల కాల్పుల్లో దుండగుడు కూడా చనిపోయినట్లు అధికారులు తెలిపారు.

ఉదయం 7.30 గంటలకు ఈ ఘటన చోటుచేసుకున్నదని చెప్పారు. విద్యార్థులు బ్రేక్‌ఫాస్ట్‌ చేస్తుండగా టీనేజర్‌ కాల్పులు జరిపాడని క్రిమినల్‌ ఇన్వెస్టిగేషన్‌ అసిస్టెంట్‌ డైరెక్టర్‌ మిచ్‌ మోర్ట్‌వెడ్‌ వెల్లడించారు. గాయపడినవారిలో నలుగురు విద్యార్థులు ఉండగా, మరొకరు స్కూల్‌ అడ్మినిస్ట్రేటర్‌ అని తెలిపారు. ఈ శీతాకాల సెలవులు ముగిసిన తర్వాత మొదటిసారిగా స్కూల్‌ ఓపెన్‌ అయిందని, ఇంతలోనే కాల్పుల ఘటన చోటుచేసుకున్నదని వ్యాఖ్యానించారు.