Saudi Arabia | సౌదీ అరేబియాలో తొలి మద్యం దుకాణం.. ఎవరికోసమో తెలుసా?

ముస్లిమేతర దౌత్యవేత్తల కోసం ప్రత్యేకంగా ఓ మద్యం దుకాణాన్ని ఏర్పాటు చేసేందుకు సౌదీ అరేబియా సన్నాహాలు చేస్తున్నది. విశ్వసనీయ వర్గాల సమాచారం ప్రకారం, కస్టమర్లు మొబైల్‌ యాప్‌ ద్వారా తమ పేర్లను రిజిస్టర్‌ చేసుకుని, ఫారిన్‌ మినిస్ట్రీ నుంచి అనుమతి పొందాలి. నెలవారీ కోటాకు అనుగుణంగా మద్యం కొనుక్కోవచ్చు. కొద్ది రోజుల్లోనే ఈ దుకాణాన్ని తెరవబోతున్నారు.

Saudi Arabia | రియాద్‌: ముస్లిమేతర దౌత్యవేత్తల కోసం ప్రత్యేకంగా ఓ మద్యం దుకాణాన్ని ఏర్పాటు చేసేందుకు సౌదీ అరేబియా సన్నాహాలు చేస్తున్నది. విశ్వసనీయ వర్గాల సమాచారం ప్రకారం, కస్టమర్లు మొబైల్‌ యాప్‌ ద్వారా తమ పేర్లను రిజిస్టర్‌ చేసుకుని, ఫారిన్‌ మినిస్ట్రీ నుంచి అనుమతి పొందాలి. నెలవారీ కోటాకు అనుగుణంగా మద్యం కొనుక్కోవచ్చు. కొద్ది రోజుల్లోనే ఈ దుకాణాన్ని తెరవబోతున్నారు.

ఇస్లాం ప్రకారం మద్యపానంపై నిషేధం ఉంది. అయితే సౌదీ అరేబియాను పర్యాటక, వ్యాపార రంగాల్లో అభివృద్ధి చేసేందుకు యువరాజు మహమ్మద్‌ బిన్‌ సల్మాన్‌ ప్రయత్నాలు చేస్తున్నారు. దీనిలో భాగంగానే మద్యం దుకాణాన్ని ఏర్పాటు చేయాలని నిర్ణయించారు. ప్రస్తుత చట్టాల ప్రకారం, సౌదీ అరేబియాలో మద్యపానం చేసినవారికి కఠిన శిక్ష తప్పదు.