మాస్కో: ఉక్రెయిన్పై (Ukraine War) రష్యా దాడిని ఖండించిన ప్రముఖ సైన్స్ ఫిక్షన్ రచయిత (Russian Writer) దిమిత్రి అలెక్సీవిచ్ గ్లుఖోవ్స్కీకి (Dmitry Glukhovsky) రష్యా కోర్టు జైలు శిక్ష విధించింది. గత నెలాఖరులో ఉక్రెయిన్ రేవుపట్టణమైన ఒడెసాపై (Odesa) రష్యా సైన్యం దాడికి పాల్పడింది. ఈ సందర్భంగా దాడిని ఖండిస్తూ ‘Bi***es’ అనే క్యాప్షన్తో ఒడెసాకు తన ఇన్స్టాగ్రామ్లో పోస్టు చేశారు. దీనిని తీవ్రమైన నేరంగా పరిగణించిన రష్యన్ కోర్టు దిమిత్రికి ఎనిమిదేండ్ల జైలు శిక్ష విధిస్తూ సోమవారం తీర్పు వెలువరించింది. ఇప్పటికే ఆయనను ‘విదేశీ ఏజెంట్’ (Foreign agent) అని ప్రకటించింది.
కాగా, ఈ నెల 5న రష్యాలో ప్రముఖ ప్రతిపక్ష నేత, పుతిన్ విమర్శకుడు, అవినీతి వ్యతిరేక ప్రచారకర్త అయిన అలెక్సీ నావల్నీకి 19 ఏండ్ల జైలుశిక్ష పడిన విషయం తెలిసిందే. ఉగ్రవాద ఆరోపణలపై సరైన ఆధారాలు లేకుండానే నావల్నీని రష్యా కోర్టు దోషిగా తేల్చడం విశేషం. వివిధ ఆరోపణలపై ఆయన ఇప్పటికే 9 ఏండ్ల జైలు శిక్ష అనుభవిస్తున్న విషయం తెలిసిందే. దీనికి అదనంగా ఇప్పుడు మరో 19 ఏండ్లు శిక్షపడింది. అధ్యక్షుడు పుతిన్కు వ్యతిరేకంగా వ్యవహరించేవారు ఏదో ఒక ఆరోపణలపై జైలుకు వెళ్లడం రష్యాలో సాధారణమైపోయింది.