Slovakia PM Robert Fico | దుండగుడి కాల్పుల్లో తీవ్రంగా గాయ పడ్డ స్లావేకియా ప్రధాని రాబర్ట్ ఫికో ఆరోగ్య పరిస్థితి విషమంగా ఉందని మీడియా వార్తా కథనాలు చెబుతున్నాయి. శరీరంపై పలు గాయాలు కావడంతో ఆయన ప్రాణాపాయ స్థితిలో ఉన్నారని రాబర్ట్ ఫికో ఫేస్ బుక్ ఖాతాలో పోస్ట్ చేశారు. కొన్ని గంటలు గడిచే వరకూ ఆయన ఆరోగ్య పరిస్థితి విషమంగానే ఉంటుందని స్లావేకియా విదేశాంగశాఖ మంత్రి జురాజ్ బ్లానర్ పేర్కొన్నారు.
స్లావేకియా ప్రధాని రాబర్ట్ ఫికోకు పొత్తి కడుపులో గాయాలైనట్లు తెలుస్తున్నది. ఒక బుల్లెట్ పొత్తి కడుపులోకి, ఒక బుల్లెట్ తలకు తగిలిందని ఈస్ట్రన్ యూరోపియన్ మీడియా ‘నెక్స్టా’ తెలిపింది. యూరోపియన్ పార్లమెంట్ ఎన్నికలు మరో మూడు వారాల్లో జరుగనుండగా రాబర్ట్ ఫికోపై దాడి జరగడం ఆసక్తికరంగా మారింది.
స్లావేకియా ప్రధాని రాబర్ట్ ఫికోపై దాడి చేసిన వ్యక్తి జురాజ్ కింటులా (71) అని, ఆయన ఒక ప్రైవేట్ సెక్యూరిటీ కంపెనీలో పని చేశారని స్థానిక మీడియా తెలిపింది. అతడు కవి, రచయిత అని కూడా తెలిపింది. కాగా, స్లావేకియా ప్రధాని రాబర్ట్ ఫికోపై దాడిని హంగేరీ ప్ఱధాని విక్టోర్ ఒర్బాన్, జెక్ ప్రధాని పీటర్ ఫైలా, పోలండ్ ప్రధాని డొనాల్డ్ టస్క్ ఖండించారు.