Water Battery | కాన్బెర్రా : బ్యాటరీలకు సంబంధించిన ప్రధాన సమస్య వాటి భద్రత. రకరకాల కారణాల వల్ల బ్యాటరీలు పేలిపోయే ఘటనలు తరచూ జరుగుతుంటాయి. బ్యాటరీల భద్రతపై ఉన్న అనుమానాలే ఎలక్ట్రిక్ వాహనాల వినియోగానికి కూడా ప్రధాన అడ్డంకిగా మారింది. ఆస్ట్రేలియాలోని ఆర్ఎంఐటీ యూనివర్సిటీకి చెందిన పరిశోధకులు ఈ సమస్యకు పరిష్కారంగా ‘నీటి బ్యాటరీలు’ తయారుచేశారు.
వీటిని రీఛార్జ్ కూడా చేసుకోవచ్చు. సాధారణంగా బ్యాటరీల్లో వినియోగించే ఎలక్ట్రోలైట్ల బదులుగా వివిధ లవణాలు కలిపిన నీటిని వినియోగించడమే ఈ బ్యాటరీ ప్రత్యేకత. పైగా లిథియం, లెడ్ యాసిడ్ బ్యాటరీలతో పోల్చుకుంటే ఇవి చౌకగా తయారుచేయవచ్చునని పరిశోధకులు చెబుతున్నారు.