Fitness Influencer | న్యూజిలాండ్ బాడీ బిల్డర్ (New Zealand body-builder), ప్రముఖ ఫిట్నెస్ ఇన్ఫ్లుయెన్సర్ (Fitness Influencer ) రేచెల్ చేజ్ (Raechelle Chase) అనుమానాస్పద స్థితిలో మరణించారు. ఈ విషయాన్ని ఆమె కుమార్తె ధృవీకరించింది. చేజ్ మృతికి గల కారణాలు ఇంకా తెలియలేదు. న్యూజిలాండ్ పోలీసులు ఆమె మృతిపై కేసు నమోదు చేసుకుని దర్యాప్తు చేస్తున్నారు. కాగా, ఐదుగురు పిల్లల తల్లి అయిన చేజ్కు ఫేస్బుక్లో 1.4 మిలియన్ల మంది ఫాలోవర్స్ ఉన్నారు. సోషల్ మీడియాలో నిత్యం ఫిట్నెస్ మీద, ఒంటరి తల్లిగా ఉండటంపై స్ఫూర్తిదాయకమైన పోస్ట్లు చేస్తుంటారు.
చిన్న వయస్సు నుంచే బాడీ బిల్డింగ్లో సత్తా చాటుతూ వస్తున్న రేచెల్ చేజ్.. స్వదేశంలో జరిగిన అనేక పోటీల్లో గెలుపొందింది. 2011లో లాస్ వేగాస్లో జరిగిన ప్రతిష్టాత్మక ఒలింపియా బాడీ – బిల్డింగ్ పోటీల్లో న్యూజిలాండ్ తరఫున పాల్గొని మొదటి మహిళగా రికార్డుకెక్కింది. ఇక రేచెల్.. క్రిస్ చేజ్ను వివాహం చేసుకుంది. ఈ జంటకు ఐదుగురు పిల్లలు. అయితే భర్తతో విబేధాల కారణంగా తన 14 సంవత్సరాల వైవాహిక జీవితానికి స్వస్తి పలుకుతూ.. ఫిబ్రవరి 2015లో విడాకులు తీసుకుంది. ఇక అప్పటి నుంచి రేచెల్ తన ఐదుగురి పిల్లల బాగోగులు చూసుకుంటూ ఒంటరిగానే జీవిస్తోంది. అయితే, ఆమె తన విడాకులకు దారితీసిన విషపూరిత సంబంధం గురించి 2016లో భావోద్వేగంతో కూడిన పోస్ట్ చేసింది. విడాకుల సమయంలో తాను 9 నెలల గర్భవతినని.. ఆ సమయంలో పిల్లలను ఒంటరిగా ఎంతో ఆత్మవిశ్వాసంతో పెంచానని చెప్పుకొచ్చింది.
Also Read..
Russian YouTuber | ఢిల్లీలో రష్యన్ యూట్యూబర్కు వేధింపులు.. అందంగా ఉన్నావు అంటూ వెంటపడిన ఆకతాయి
India – Canada | దౌత్యవేత్తల తొలగింపు.. కెనడాకు మద్దతు నిలిచిన అమెరికా, బ్రిటన్
Israel-Hamas War | మానవతా కోణంలో ఇద్దరు అమెరికన్ బందీలను విడిచిపెట్టిన హమాస్