Visit:
Charlie Kirk : అమెరికా రిపబ్లిక్ నేత చార్లీ కిర్క్ (Charlie Kirk) హంతకుడి వేటను పోలీసులు వేగవంతం చేశారు. కాల్పులకు ఉపయోగించిన తుపాకీని గురువారం స్వాధీనం చేసుకున్న ఎఫ్‌బీఐ పోలీసులు అనుమానితుడి ఫొటోను విడుదల చేశారు. ‘పర్సన్ ఆఫ్ ఇంట్రెస్ట్’ అనే పేరుతో అతడికి సంబంధించిన రెండు ఫొటోలను షేర్ చేశారు. వాళ్లు ఊహించినట్టే ఆ వ్యక్తి కాలేజీ యువకుడిలా ఉన్నాడు.
ఉతాహ్ డీపీఎస్ కమిషనర్ బ్యూ మసాన్ మాట్లాడుతూ.. ‘చార్లీని కాల్చి చంపిన వ్యక్తికి కాలేజీ కుర్రాడి వయసు ఉంటుంది. హత్యతో సంబంధం ఉన్న అనుమానితుడిని గుర్తించాం. అతడు కళ్లద్దాలు క్యాప్, నల్లని రౌండ్‌ నెక్ టీషర్ట్ ధరించాడు. హంతకుడిని త్వరలోనే పట్టుకుంటామనే నమ్మకం మాకుంది’ అని వెల్లడించాడు.
🚨 BREAKING: FBI Names PERSON OF INTEREST in Charlie Kirk Assassination! This suspect is armed & dangerous—authorities NEED YOUR TIPS to bring him to justice. He must be found & held accountable!
Call NOW: 1-800-CALL-FBI or contact @FBISaltLakeCity.
Share to spread the word! pic.twitter.com/LuZFXRISEB— Project Constitution (@ProjectConstitu) September 11, 2025
ఉతాహ్ యూనివర్సిటీలో సెప్టెంబర్ 10న ‘ప్రూవ్ మీ రాంగ్’ అనే కార్యక్రమం నిర్వహించారు చార్లీ. 3 వేల మంది హాజరైన ఈ కార్యక్రమంలో ఆయన ప్రసంగిస్తుండగా.. బిల్డింగ్ రూఫ్‌ మీద నుంచి స్నైపర్ సాయంతో కాల్పులు జరిపాడు నిందితుడు. బుల్లెట్ మెడకు తగలడంతో చార్లీ అక్కడికక్కడే ప్రాణాలు విడిచారు. అనంతరం రూఫ్‌ నుంచి కిందకు దూకి అక్కడి నుంచి పారిపోయాడని ఎఫ్‌బీఏ పోలీసులు తెలిపారు. రూఫ్‌ను పరిశీలించిన పోలీసులు అక్కడ నిందితుడు షూ ముద్రలు, ముంజేతి ఆనవాళ్లను గుర్తించారు. లాబరేటరీ రిపోర్టు అనంతరం నిందితుడి గురించి మరిన్ని వివరాలు తెలుస్తాయని ఎఫ్‌బీఏ బృందం తెలిపింది.
డొనాల్డ్ ట్రంప్‌తో చార్లీ కిర్క్(ఫైల్ ఫొటో)
అమెరికాలో సంచలనం సృష్టించిన తన సన్నిహితుడు చార్లీ కిర్క్ (Charlie Kirk) హత్యపై అధ్యక్షుడు డొనాల్డ్ ట్రంప్ తీవ్రంగా స్పందించారు. తమ దేశ యువత మనసును చార్లీ కంటే గొప్పగా మరెవరూ అర్ధం చేసుకోలేరని పేర్కొన్న ట్రంప్ .. కిర్క్‌కు అమెరికా అత్యున్నత పురస్కారం ఇస్తున్నట్టు ప్రకటించారు. మరణాంతరం కిర్క్‌కు ‘ప్రెసిడెంట్ మెడల్ ఆఫ్ ఫ్రీడమ్’ (President Medal Of Freedom) గౌరవం కల్పిస్తున్నట్టు గురువారం ప్రెసిడెంట్ వెల్లడించారు.
