Visit:
సియోల్, సెప్టెంబర్ 9: దక్షిణ కొరియా రాజధాని సియోల్లో జరిగిన సియోల్ డిఫెన్స్ డైలాగ్ 2026 సందర్భంగా చైనా వైఖరిని ఫిలిప్పీన్స్ రక్షణ మంత్రి గిల్బెర్టో సి టియోడోరో మంగళవారం బహిరంగంగా నిలదీశారు. దక్షిణ చైనా సముద్ర మధ్యవర్తిత్వంపై బీజింగ్ వైఖరిని తెలియజేస్తూ ఒక చైనా అధికారి అందించిన నోట్ను అందుకున్న ఆయన చైనా చర్యను తీవ్రంగా తప్పుబట్టారు. ఆ నోట్ను బిగ్గరగా చదివిన ఆయన చైనా చర్యలు ‘బలవంతం, వేధింపులు, దూకుడు’గా ఉన్నాయని విమర్శించారు.
టియోడోరా మాట్లాడుతుండగా చైనా అధికారి ఆయన ఒక నోట్ను ఇచ్చారని… దాంతో తన ప్రసంగాన్ని ఆపిన ఆయన ఈ నోట్ చైనా నుంచి వచ్చిందని తెలిపారు. తర్వాత ఆయన అందులోని ప్రధాన పాయింట్లను బిగ్గరగా చదివి వినిపించారు. దక్షిణ చైనా సముద్ర మధ్యవర్తిత్వంపై బీజింగ్ వైఖరి స్పష్టంగా, స్థిరంగా, దృఢంగా ఉంది అని పేర్కొన్నారు. ఆ మధ్యవర్తిత్వం అంతర్జాతీయ చట్టంలోని ప్రాథమిక సూత్రాలను ఉల్లంఘిస్తున్నదని చైనా ఆరోపిస్తున్నట్టు టియోడోరో తెలిపారు. సమావేశం మధ్యలో ఇలా నోట్ పంపడాన్ని దక్షిణ కొరియాను అవమానపర్చడమేనన్నారు.
