Watch: మంటల్లో కాలిపోయిన బస్సు.. తృటిలో బయటపడిన ప్రయాణికులు

Bus Catches Fire | ఒక హైవేపై వెళ్తున్న బస్సుకు ఉన్నట్టుండి మంటలు వ్యాపించాయి (Bus Catches Fire). అప్రమత్తమైన డ్రైవర్‌ దానిని రోడ్డు పక్కగా నిలిపాడు. దీంతో బస్సులోని ప్రయాణికులంతా బయటకు పరుగులుతీశారు. అనంతరం కొన్ని క్షణాల్లో ఆ బస్సు మంటల్లో కాలిపోయింది.

బ్యూనస్ ఎయిర్స్‌: ఒక హైవేపై వెళ్తున్న బస్సుకు ఉన్నట్టుండి మంటలు వ్యాపించాయి (Bus Catches Fire). అప్రమత్తమైన డ్రైవర్‌ దానిని రోడ్డు పక్కగా నిలిపాడు. దీంతో బస్సులోని ప్రయాణికులంతా బయటకు పరుగులుతీశారు. అనంతరం కొన్ని క్షణాల్లో ఆ బస్సు మంటల్లో కాలిపోయింది. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. అర్జెంటీనా రాజధాని బ్యూనస్ ఎయిర్స్‌లో ఈ సంఘటన జరిగింది. బుధవారం జనరల్ పాజ్ హైవే పలు వాహనాలతో రద్దీగా ఉన్నది. ఇంతలో ఒక డబుల్‌ బస్సు ఆ హైవేపై వెళ్తున్నది.

కాగా, ఆకస్మాత్తుగా బస్సు వెనుక భాగంలో మంటలు చెలరేగాయి. అప్రమత్తమైన డ్రైవర్‌ ఆ బస్సును రోడ్డు పక్కగా నిలిపాడు. దీంతో అందులోని ప్రయాణికులు వెంటనే బయటకు వచ్చారు. అనంతరం కొన్ని నిమిషాల్లో మంటలు బస్సు మొత్తం వ్యాపించాయి. దీంతో ఆ బస్సు పూర్తిగా కాలిపోయింది. అలాగే హైవేపై కూడా మంటలు వ్యాపించాయి. రెండు కార్లు ప్రమాదం నుంచి తృటిలో తప్పించుకున్నాయి. కొంత సేపటికి ఫైర్‌ సిబ్బంది అక్కడకు చేరుకున్నారు. మంటలను ఆర్పివేశారు.

మరోవైపు ఆ హైవేపై ఉన్న సీసీటీవీలో ఈ సంఘటన రికార్డ్‌ అయ్యింది. అర్జెంటీనా పోలీసులు రిలీజ్‌ చేసిన ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఈ వీడియో చూసి నెటిజన్లు షాక్‌ అయ్యారు. అయితే ప్రయాణికులంతా సురక్షితంగా బయటపడటం, ఎవరికీ ఏమీ కావపోవడం అదృష్టమని కొందరు పేర్కొన్నారు.

Watch a bus catch on fire in Argentina #bus #busfire #argentina pic.twitter.com/qxLlALdHFp

— UpToDate (@UpToDateNewsSvc) August 16, 2023