తన ప్రభుత్వాన్ని కూల్చడానికి అమెరికా ప్రయత్నిస్తోందంటూ పాక్ ప్రధాని ఇమ్రాన్ చేసిన వ్యాఖ్యలను పాక్ ఆర్మీ ఖండించింది. పాక్ అంతర్గత వ్యవహారాల్లో అమెరికా హస్తం ఏమాత్రం లేదని ఆర్మీ తేల్చి చెప్పింది. అమెరికాతో సత్సంబంధాలు నెరపాలన్నదే తమ అభిమతమని ఆర్మీ నర్మగర్భ వ్యాఖ్యలు చేసింది. ఇరు దేశాల మధ్య చారిత్రక, వ్యూహాత్మక సంబంధాలు ఉన్నాయని తెలిపింది. దేశంలో వచ్చిన అవిశ్వాస తీర్మాన ప్రక్రియలో కూడా ఏలాంటి దౌత్య పరమైన కారణాలు లేవని పాక్ ఆర్మీ స్పష్గం చేసింది. పాక్ ప్రభుత్వానికి అమెరికా ఎలాంటి లేఖలూ పంపలేదని కూడా సైన్యం ప్రకటించింది.
తనను గద్దె దింపేందుకు అగ్రరాజ్యం అమెరికా కుట్ర పన్నిందని పాక్ ప్రధాని ఇమ్రాన్ ఆరోపించారు. ఇమ్రాన్ను తొలగించాలని, లేదంటే తర్వాతి పరిణామాలకు బాధ్యత వహించాల్సి వుంటుందని అమెరికా ఓ లేఖ పంపిందని ఆయన సంచలన ఆరోపణలు చేశారు. ఉక్రెయిన్- రష్యా మధ్య యుద్ధం నడుస్తున్న సమయంలో తాను మాస్కోలో పర్యటించడం ఇష్టం లేకే.. ఓ దేశం కుట్ర పన్నిందని ఇమ్రాన్ అమెరికాపై మండిపడ్డారు.