ఒరాకిల్‌లో 30 వేల మందిపై వేటు

ప్రపంచంలోనే అతిపెద్ద సాఫ్ట్‌వేర్‌ కంపెనీల్లో ఒకటైన ‘ఒరాకిల్‌' భారీగా ఉద్యోగాల కోతకు తెరలేపింది. ప్రతి రోజూ పొద్దునే ఉద్యోగులకు లేఆఫ్‌ లెటర్స్‌ పంపుతున్నది.

న్యూయార్క్‌: ప్రపంచంలోనే అతిపెద్ద సాఫ్ట్‌వేర్‌ కంపెనీల్లో ఒకటైన ‘ఒరాకిల్‌’ భారీగా ఉద్యోగాల కోతకు తెరలేపింది. ప్రతి రోజూ పొద్దునే ఉద్యోగులకు లేఆఫ్‌ లెటర్స్‌ పంపుతున్నది. దాదాపు 30,000 మంది ఉద్యోగుల్ని ఇంటికి పంపుతున్నట్టు పలు నివేదికలు పేర్కొన్నాయి. భారత్‌, మెక్సికో సహా పలు ప్రాంతాల్లో ఒరాకిల్‌ కంప్యూటింగ్‌ వ్యాపారంపై దీని ప్రభావం పడుతున్నదని తెలిపాయి.

మంగళవారం సోషల్‌మీడియా సైట్లలో ఒరాకిల్‌ ఉద్యోగులు మాట్లాడుతూ, తమ సహోద్యోగుల్లో చాలామందికి తెల్లవారుజామున 6 గంటలకే లేఆఫ్‌ తెలియజేస్తూ ఈమెయిల్స్‌ వచ్చాయని అన్నారు. గత 20 ఏండ్లుగా పనిచేస్తున్న తనకు ఉదయం 5 గంటలకు లేఆఫ్‌ మెయిల్‌ పంపారని రెడిట్‌లో ఓ ఉద్యోగి తెలిపాడు.