ఇండోనేషియాలో కూలిన నాసా టెలిస్కోప్‌

విశ్వంలోని అత్యంత శక్తిమంతమైన పేలుళ్లను అధ్యయనం చేసేందుకు నాసా ప్రయోగించిన ‘నీల్‌ గెహ్రెల్స్‌ స్విఫ్ట్‌ అబ్జర్వేటరీ’ అంతరిక్ష టెలిస్కోప్‌ భూ వాతావరణంలోకి ప్రవేశించి దగ్ధమైంది.

వాషింగ్టన్‌: విశ్వంలోని అత్యంత శక్తిమంతమైన పేలుళ్లను అధ్యయనం చేసేందుకు నాసా ప్రయోగించిన ‘నీల్‌ గెహ్రెల్స్‌ స్విఫ్ట్‌ అబ్జర్వేటరీ’ అంతరిక్ష టెలిస్కోప్‌ భూ వాతావరణంలోకి ప్రవేశించి దగ్ధమైంది. దాదాపు 22 ఏండ్లపాటు సేవలందించిన ఈ ఉపగ్రహం బుధవారం ఇండోనేషియాలోని ఉత్తర సుమత్రా ప్రాంతం మీదుగా భూ వాతావరణంలోకి ప్రవేశించినట్టు నాసా వెల్లడించింది. సుమారు 1,452 కిలోల బరువున్న ఈ టెలిస్కోప్‌ వేగంగా భూమివైపు దూసుకొచ్చింది.