Indian student | అమెరికాలో అదృశ్యమైన భారతీయ విద్యార్థి మృతి

Indian student | అమెరికాలో గత ఆదివారం అదృశ్యమైన భారతీయ విద్యార్థి (Indian student) నీల్‌ ఆచార్య కథ విషాదాంతమైంది. నీల్‌ మృతదేహాన్ని అతడు చదువుతున్న యూనివర్సిటీ క్యాంపస్‌లోనే పోలీసులు గుర్తించారు.

Indian student | అమెరికాలో గత ఆదివారం అదృశ్యమైన భారతీయ విద్యార్థి (Indian student) నీల్‌ ఆచార్య కథ విషాదాంతమైంది. నీల్‌ మృతదేహాన్ని అతడు చదువుతున్న యూనివర్సిటీ క్యాంపస్‌లోనే పోలీసులు గుర్తించారు. ఈ విషయాన్ని విశ్వవిద్యాలయానికి చెందిన కంప్యూటర్‌ సైన్స్‌ తాత్కాలిక విభాగాధిపతి క్రిస్‌ క్లిఫ్టన్‌ ధ్రువీకరించారు.

నీల్‌ ఆచార్య (Neel Acharya) ఇండియానా రాష్ట్రం (Indiana state)లోని పర్డ్యూ విశ్వవిద్యాలయం (Purdue University)లో చదువుతున్నాడు. అయితే, ఆదివారం యూనివర్సిటీ క్యాంపస్ నుంచి అతడు అదృశ్యమయ్యాడు. ఈ విషయాన్ని అతడి తల్లి ఆదివారం నుంచి తన కొడుకు కనిపించడం లేదని, అతడిని గుర్తించడంలో సాయం చేయండంటూ ఎక్స్‌ వేదికగా పోస్టు పెట్టారు.

చివరిసారిగా ఉబర్‌ డ్రైవర్‌ నీల్‌ను క్యాంపస్‌లో వదిలిపెట్టినట్లు తెలిపారు. ఈ పోస్ట్‌పై స్పందించిన షికాగోలోని భారత రాయబార కార్యాలయం.. వర్సిటీ అధికారులతో సంప్రదింపులు జరుపుతున్నట్లు తెలిపింది. అ మేరకు విద్యార్థిని గుర్తించడంలో అవసరమైన సహాయ సహకారాల్ని అందిస్తామని హామీ ఇచ్చింది. ఈ నేపథ్యంలో తాజాగా నీల్‌ మృతదేహాన్ని పోలీసులు గుర్తించారు. అతడిని ఎవరో హత్య చేసి ఉంటారని అనుమానాలు వ్యక్తమవుతున్నాయి.

Also Read..

సాయం మరిచి.. సుత్తితో కొట్టి!

Indian Navy: ఇరానీ నౌక‌ను హైజాక్ చేసిన సొమాలీ పైరేట్స్‌.. 19 మంది పాకిస్థానీల‌ను ర‌క్షించిన ఇండియ‌న్ నేవీ

NRI News | గుజరాత్ జంట హత్య కేసులో భారత్‌కు బ్రిటన్ షాక్.. కొకైన్ స్మగ్లింగ్ దంపతుల అప్పగింతకు నో..