Mirage 2000D: కూలిన మిరేజ్‌-2000డీ యుద్ధ విమానం.. ఒక‌రు మృతి, మ‌రొక‌రి కోసం గాలింపు

Mirage 2000D: ఫ్రాన్స్‌లో మిరేజ్ 2000డీ యుద్ధ విమానం కూలింది. ఎయిర్‌బేస్‌కు స‌మీపిస్తున్న స‌మ‌యంలో ఈ ఘ‌ట‌న జ‌రిగింది. ఈ ప్ర‌మాదంలో విమాన‌ సిబ్బంది ఒక‌రు మృతిచెంద‌గా, మ‌రో వ్య‌క్తి ఆచూకీ లేరు. రాత్రి పూట శిక్ష‌ణ జ‌రుగుతున్న స‌మ‌యంలో ఈ ఘ‌ట‌న జ‌రిగింది.

పారిస్‌: ఫ్రాన్స్‌లో మిరేజ్ 2000డీ(Mirage 2000D) యుద్ధ విమానం కూలింది. ఎయిర్‌బేస్‌కు స‌మీపిస్తున్న స‌మ‌యంలో ఈ ఘ‌ట‌న జ‌రిగింది. ఈ ప్ర‌మాదంలో విమాన‌ సిబ్బంది ఒక‌రు మృతిచెంద‌గా, మ‌రో వ్య‌క్తి ఆచూకీ లేరు. రాత్రి పూట శిక్ష‌ణ జ‌రుగుతున్న స‌మ‌యంలో ఈ ఘ‌ట‌న జ‌రిగింది. నాన్సీ ప‌ట్ట‌ణానికి 18 కిలోమీట‌ర్ల దూరంలో ఉన్న రోజీవిల్లే ఎయిర్‌బేస్‌లో యుద్ధ విమానం కూలింది. మిరేజ్ విమానానికి చెందిన ఓ పైల‌ట్ మృత‌దేహాన్ని రిక‌వ‌రీ చేసిన‌ట్లు ఫ్రాన్స్ సైనిక ద‌ళాలు క‌న్ఫ‌ర్మ్ చేశాయి. రెండో స‌భ్యుడి కోసం సెర్చ్ ఆప‌రేష‌న్ కొన‌సాగుతోంది.

ఈ దుర్ఘ‌ట‌న ప‌ట్ల ద‌ర్యాప్తు కూడా జ‌రుగుతున్నట్లు ఫ్రెంచ్ వైమానిక‌, స్పేస్ పోర్స్ పేర్కొన్న‌ది. మిరేజ్‌-2000డీ రెండు సీట్ల యుద్ధ విమానం. గ్రౌండ్ అటాక్ మిష‌న్ల‌కు వాడుతుంటారు. సంక్లిష్ట‌మైన వాతావ‌ర‌ణంలోనూ ప‌నిచేసే రీతిలో దీన్ని డిజైన్ చేశారు. సంప్ర‌దాయ ఎయిర్ ఆప‌రేష‌న్స్‌తో పాటు ప‌వ‌ర్ ప్రొజెక్ష‌న్ మిష‌న్స్‌లో ఈ యుద్ధ విమానం పాల్గొంటుంది.