Michelle Obama | ఈ ఏడాది నవంబర్లో జరిగే అమెరికా అధ్యక్ష ఎన్నికల్లో (US presidential elections) మాజీ ప్రథమ మహిళ, మాజీ అధ్యక్షుడు బరాక్ ఒబామా సతీమణి మిచెల్ ఒబామా (Michelle Obama) పోటీ చేయబోతోందంటూ గత కొన్ని రోజులుగా వార్తలు వస్తున్న విషయం తెలిసిందే. ఈ వార్తలపై మాజీ ఫస్ట్ లేడీ మిచెల్ తాజాగా క్లారిటీ ఇచ్చారు. తాను అధ్యక్ష ఎన్నికల్లో పోటీ చేయట్లేదని స్పష్టం చేశారు.
ఈ మేరకు మాజీ ప్రథమ మహిళ (Former First Lady) కార్యాలయం స్పష్టతనిచ్చింది. మిచెల్ ఒబామా అధ్యక్ష పదవికి పోటీ చేయట్లేదని స్పష్టం చేసింది. ఈ మేరకు కార్యాలయం ప్రకటన విడుదల చేసింది. మిచెల్ ఒబామాకు రాబోయే 2024 ఎన్నికల్లో అధ్యక్ష పదవికి పోటీ చేసే ఉద్దేశం లేదని స్పష్టం చేసింది. అయితే, ప్రస్తుత అధ్యక్షుడు జో బైడెన్, వైస్ ప్రెసిడెంట్ కమలా హారిస్ ఎన్నికల ప్రచారానికి మద్దతు ఇస్తారని వెల్లడించింది.
వచ్చే అమెరికా అధ్యక్ష ఎన్నికల్లో మిచెల్ ఒబామా పోటీ చేయబోతున్నారంటూ గత కొన్ని రోజులుగా యూఎస్ మీడియాలో వరుస కథనాలు వస్తున్న విషయం తెలిసిందే. మాజీ దేశాధ్యక్షుడు డొనాల్డ్ ట్రంప్కు పోటీగా బైడెన్ స్థానంలో ఒబామా బరిలోకి దిగనున్నారంటూ స్థానిక మీడియా పేర్కొంది. అదేవిధంగా ప్రస్తుత అధ్యక్షుడు జో బైడెన్కు డెమొక్రాట్ల నుంచి మద్దతు కరవైందని, బైడన్కు బదులుగా వారంతా మాజీ ప్రథమ మహిళ మిచెల్ ఒబామాను సమర్థిస్తున్నారని ఇటీవలే ఓ సర్వేలో వెల్లడైంది. ఈ నేపథ్యంలో మిచెల్ కార్యాలయం ఎన్నికల్లో పోటీపై క్లారిటీ ఇచ్చింది.
Also Read..
Janhvi kapoor | పుట్టినరోజునాడు తిరుమల శ్రీవారి ఆశీస్సులు తీసుకున్న జాన్వీ కపూర్
Lok Sabha | నేడు బీజేపీ లోక్సభ అభ్యర్థుల రెండో జాబితా విడుదల..?
DK Shivakumar | మా ఇంట్లో బోరు కూడా ఎండిపోయింది.. బెంగళూరు నీటి సంక్షోభంపై డీకే శివకుమార్