గృహ హింస కేసులో దిగ్గజ క్రికెటర్‌ అరెస్ట్‌

Michael Slater | దిగ్గజ ఆటగాడు‌, ఆస్ట్రేలియా మాజీ క్రికెటర్ మైఖేల్‌ స్లేటర్‌ను గృహ హింస కేసులో పోలీసులు అరెస్టు చేశారు.

సిడ్నీ: దిగ్గజ ఆటగాడు‌, ఆస్ట్రేలియా మాజీ క్రికెటర్ మైఖేల్‌ స్లేటర్‌ను గృహ హింస కేసులో పోలీసులు అరెస్టు చేశారు. ఈనెల 12న గృహ హింసకు పాల్పడినట్లు స్లేటర్‌పై ఆరోపణలు వచ్చాయి. దీనిపై విచారణ జరిపిన న్యూ సౌత్‌ వేల్స్‌ పోలీసులు బుధవారం ఉదయం దిగ్గజ క్రికెటర్‌ను తమ అదుపులోకి తీసుకున్నారు.

మైఖేల్‌ స్లేటర్‌ ఆస్ట్రేలియా టెస్ట్‌ జట్టులో దశాబ్దానికిపైగా ఓపెనర్‌గా కొనసాగాడు. 1993-2002 మధ్య 74 టెస్టు మ్యాచ్‌లు ఆడిన స్లేటర్‌ 5312 పరుగులు చేశాడు. 2004లో క్రికెట్‌కు వీడ్కోలు పలికాడు. అప్పటి నుంచి వివిధ చానళ్లలో క్రికెట్‌ కామెంటేటర్‌గా పనిచేశారు.