Non Veg | నాన్‌వెజ్ తినే మహిళలు వందేళ్లు బతుకుతారంట.. సర్వేలో ఆసక్తికర విషయాలు వెల్లడి

Non Veg | శాకాహారం తినే వారే ఎక్కువ కాలం జీవిస్తారని గతంలో కొన్ని సర్వేలు తెలిపాయి. అయితే చైనాకు చెందిన ఓ సర్వేలో మాత్రం మాంసాహారం తినే బరువు తక్కువగా ఉన్న మహిళలు 100 ఏండ్లు బతికే అవకాశం శాకాహారం తినే మహిళల కంటే 44 శాతం ఎక్కువగా ఉందని తేలింది.

Non Veg | బీజింగ్‌ : శాకాహారం తినే వారే ఎక్కువ కాలం జీవిస్తారని గతంలో కొన్ని సర్వేలు తెలిపాయి. అయితే చైనాకు చెందిన ఓ సర్వేలో మాత్రం మాంసాహారం తినే బరువు తక్కువగా ఉన్న మహిళలు 100 ఏండ్లు బతికే అవకాశం శాకాహారం తినే మహిళల కంటే 44 శాతం ఎక్కువగా ఉందని తేలింది. ఇది అమెరికన్‌ జర్నల్‌ ఆఫ్‌ క్లినికల్‌ న్యూట్రిషన్‌లో ప్రచురితం అయింది.

చైనీస్‌ లాంగిట్యూడినల్‌ హెల్తీ లాంగివిటీ సర్వే ఆ దేశంలో 80 ఏండ్లు దాటిన 5వేల మంది మహిళలపై పరిశోధన చేసింది. బరువు తక్కువగా ఉన్న మాంసాహార మహిళలు ఎక్కువ కాలం జీవిస్తారని, బరువు ఎక్కువగా ఉన్నవారిలో ఈ తేడా కనిపించలేదని సర్వే చెప్పింది.