ఒకటి కాదు.. రెండు కాదు.. 6 లక్షలకు పైగా తేనెటీగలు ఆ వ్యక్తి శరీరాన్ని చుట్టుముట్టాయి. చివరికి అతడి ముఖం కూడా కనిపించకుండా అతడిని చుట్టేశాయి. అయినా కూడా అతడికి ఏం కాలేదు. ఒక్క తేనెటీగ కూడా అతడిని కుట్టలేదు. మనిషి ఏమాత్రం కనిపించకుండా.. తేనెటీగలు అతడిని చుట్టేసినా అతడికి ఏం కాకపోవడం విశేషం. నిజానికి ఇలాంటి ఫీట్ చేయడం అనేది సాహసం అనే చెప్పాలి. ఇటువంటి సాహసం చేసి గిన్నిస్ వరల్డ్ బుక్ ఆఫ్ రికార్డ్స్లో చోటు సంపాదించాడు చైనాకు చెందిన రువాన్ లియాంగ్మింగ్.
63.7 కిలోల బరువుతో 637,000 తేనెటీగలు అతడి శరీరం మీద వాలాయి. అందులో 60 రాణి తేనెటీగలు కూడా ఉన్నాయి. రాణి తేనెటీగలు ఎక్కడ ఉంటే.. అక్కడికి మామూలు తేనెటీగలు వెళ్తుంటాయి. వాటికి ఆకర్షితులవుతుంటాయి. అన్ని లక్షల తేనెటీగలు అతడిని చుట్టుముట్టినా ఏమాత్రం భయపడకుండా అలాగే నిలబడి రికార్డు క్రియేట్ చేశాడు రువాన్.
నిజానికి ఈ ఫీట్ను రువాన్ 2016లోనే సాధించాడు. ఈ ఘటనకు సంబంధించిన వీడియోను గిన్నిస్ వరల్డ్ రికార్డు ప్రతినిధులు తమ యూట్యూబ్ చానెల్లో అప్లోడ్ చేశారు. కానీ.. తాజాగా ఈ వీడియో సోషల్ మీడియాలో వైరల్ అవుతోంది.
ఒకసారి తేనెటీగలు చుట్టుముట్టాక.. ఆ వ్యక్తి కదలకూడదు.. ఏం మాట్లాడకూడదు. సైలెంట్గా అలాగే ఉండాల్సి ఉంటుంది. లేదంటే అవి ఏదో ప్రమాదం ఉందని పసిగట్టి కుట్టే ప్రమాదం ఉంటుంది. మొత్తానికి అవి కుట్టకుండా జాగ్రత్త పడుతూ నిలబడాల్సి ఉంటుంది. అన్ని లక్షల తేనెటీగలు ఒకేసారి చుట్టుముట్టినా ఏమాత్రం బెదరకుండా అలాగే నిలబడి ఈ ఫీట్ను పూర్తి చేసిన రువాన్ను చూసి నెటిజన్లు హ్యేట్సాఫ్ అంటున్నారు.