Lifetime Vaccine | ఆల్‌ ఇన్‌ వన్‌.. వైరల్‌ ఇన్‌ఫెక్షన్స్‌కు లైఫ్‌టైమ్‌ వ్యాక్సిన్‌!

మానవాళిని ఇప్పుడు వేధిస్తున్న పలు వైరస్‌లతోపాటు, భవిష్యత్తులో తలెత్తే మహమ్మారిలను ఎదుర్కొనేందుకు ‘ఆల్‌ ఇన్‌ వన్‌'.. అనదగ్గ వ్యాక్సిన్‌ తయారీపై సైంటిస్టుల పరిశోధనలు కీలక దశకు చేరుకున్నాయి.

• భవిష్యత్తులో వచ్చే వాటిపైనా పనిచేసే టీకాలు

Lifetime Vaccine | వాషింగ్టన్‌, జూలై 21: మానవాళిని ఇప్పుడు వేధిస్తున్న పలు వైరస్‌లతోపాటు, భవిష్యత్తులో తలెత్తే మహమ్మారిలను ఎదుర్కొనేందుకు ‘ఆల్‌ ఇన్‌ వన్‌’.. అనదగ్గ వ్యాక్సిన్‌ తయారీపై సైంటిస్టుల పరిశోధనలు కీలక దశకు చేరుకున్నాయి. సింగిల్‌ షాట్‌.. లైఫ్‌ టైమ్‌ వ్యాక్సిన్‌గా పేర్కొంటున్న ఈ టీకాను అభివృద్ధి చేయటంలో ‘ఒరేగావ్‌ హెల్త్‌, సైన్స్‌ యూనివర్సిటీ’ పరిశోధకులు ముందడుగు వేశారు.

ఒకసారి టీకాను తీసుకోవటం ద్వారా జీవితకాలం ‘ఇన్‌ఫ్లూయెంజా వైరస్‌’ల నుంచి రక్షణ లభిస్తుందని పరిశోధకులు చెబుతున్నారు. మరికొద్ది సంవత్సరాల్లో ఈ వ్యాక్సిన్‌ అందుబాటులోకి వస్తుందని సమాచారం. ఈ వైరస్‌పై తయారుచేసిన వ్యాక్సిన్‌, బర్డ్‌ ఫ్లూ వైరస్‌ను కూడా సమర్థవంతంగా అడ్డుకుంటున్నదని పరిశోధనలో తేలింది.