రష్యాలో భారత విద్యార్థులకు కత్తిపోట్లు

రష్యాలోని బష్‌కొర్టోస్టాన్‌ రిపబ్లిక్‌లో జరిగిన కత్తి దాడిలో నలుగురు భారత విద్యార్థులు సహా పలువురు గాయపడ్డారు. గాయపడ్డ భారత విద్యార్థులు కోలుకుంటున్నట్లు భారత ఎంబసీ ఆదివారం తెలిపింది. ఎంబసీ అధికారులు ఆదివారం వారిని పరామర్శించారు.

• నాజీ గ్రూప్‌ బాలుడి దుశ్చర్య

ఉఫా : రష్యాలోని బష్‌కొర్టోస్టాన్‌ రిపబ్లిక్‌లో జరిగిన కత్తి దాడిలో నలుగురు భారత విద్యార్థులు సహా పలువురు గాయపడ్డారు. గాయపడ్డ భారత విద్యార్థులు కోలుకుంటున్నట్లు భారత ఎంబసీ ఆదివారం తెలిపింది. ఎంబసీ అధికారులు ఆదివారం వారిని పరామర్శించారు. శనివారం రాత్రి ఉఫా నగరంలోని స్టేట్‌ మెడికల్‌ యూనివర్సిటీలో ఈ ఘటన జరిగిందని మాస్కోలోని భారత ఎంబసీ ఎక్స్‌లో ట్వీట్‌ చేసింది.

దాడికి పాల్పడిన 15 ఏండ్ల బాలుడిని పోలీసులు అరెస్ట్‌ చేశారు. నిందితుడు తన అరెస్ట్‌ను ప్రతిఘటించాడు. అరెస్ట్‌ చేయడానికి ప్రయత్నించిన ఇద్దరు పోలీసులను గాయపరిచాడు. తనను తాను గాయపరుచుకుని ఆత్మహత్యకు యత్నించాడు. నిందితుడు కొత్త నాజీ అనుకూల గ్రూప్‌కు చెందిన వాడని స్థానిక మీడియా వెల్లడించింది.