Johnson & Johnson: 9 బిలియ‌న్ల డాల‌ర్ల సెటిల్మెంట్‌కు జాన్స‌న్ కంపెనీ ప్ర‌తిపాద‌న‌

Johnson & Johnson: జాన్స‌న్ కంపెనీ టాల్క‌మ్‌ పౌడ‌ర్‌కు ప్ర‌పంచ‌వ్యాప్తంగా గిరాకీ ఉండేది. ఇప్పుడా ఉత్ప‌త్తులు ల‌భించ‌డంలేదు. కానీ ఆ కంపెనీపై వేసిన కేసులు కోర్టుల్లోనే ఉన్నాయి. దీంతో ఆ కంపెనీ ఓ భారీ ప్ర‌తిపాద‌న చేసింది. త‌మ కంపెనీపై ఉన్న కేసుల ప‌రిష్కారం కోసం 9 బిలియ‌న్ల డాల‌ర్ల సెటిల్మెంట్‌కు రెఢీ అయ్యింది.

న్యూయార్క్‌: జాన్స‌న్ అండ్ జాన్స‌న్(Johnson & Johnson) కంపెనీపై అమెరికాలో వేల కేసులు ఉన్న విష‌యం తెలిసిందే. ఆ కంపెనీకి చెందిన బేబీ పౌడ‌ర్‌(baby powder)తో పాటు ఇత‌ర ఉత్ప‌త్తుల్ని వాడ‌డం వ‌ల్ల క్యాన్సర్ వ‌చ్చిన‌ట్లు వేలాది మంది కేసులు దాఖ‌లు చేశారు. అయితే ఆ కేసుల్లో సెటిల్మెంట్(settlement) కోరుతున్న జాన్స‌న్ కంపెనీ తాజాగా ఓ ప్ర‌తిపాద‌న చేసింది. దివాళా కోర్టును ఆశ్ర‌యించిన ఆ కంపెనీ.. మొత్తం కేసుల ప‌రిష్కారం కోసం 9 బిలియ‌న్ల డాల‌ర్లు చెల్లించ‌నున్న‌ట్లు త‌న అఫిడ‌విట్‌లో పేర్కొన్న‌ది. ఒక్క అమెరికాలోనే సుమారు 40 వేల కేసులు జాన్స‌న్ కంపెనీపై ఉన్న‌ట్లు తెలుస్తోంది.

త‌మ కంపెనీపై వేసిన కేసుల్ని విలువైన‌వే అని గుర్తిస్తున్న‌ట్లు చెప్పిన ఆ కంపెనీ.. న్యాయ‌పోరాటంలో భాగంగా సెటిల్మెంట్‌ను పెంచిన‌ట్లు అంగీక‌రించింది. గ‌తంలో రెండు బిలియ‌న్ల డాల‌ర్లు ఇస్తాన‌ని చెప్పిన ఆ కంపెనీ ఇప్పుడు త‌న సెటిల్మెంట్‌ను 9 బిలియ‌న్ల డాల‌ర్ల‌కు పెంచ‌డం గ‌మ‌నార్హం. జాన్స‌న్ కంపెనీపై కేసు వేసిన 40 వేల మంది.. ఆ కంపెనీ ఉత్ప‌త్తుల్లో క్యాన్స‌ర్‌కు కార‌ణ‌మైన అస్‌బెస్టాస్(asbestos) ఉన్న‌ట్లు ఆరోప‌ణ‌లు చేశారు.

2020 నుంచే అమెరికాలో ఆ కంపెనీకి చెందిన టాల్క‌మ్ పౌడ‌ర్(talcum powder) అమ్మ‌కాల‌ను ఆపేశారు. ఇక గ‌త ఏడాది నుంచి ప్ర‌పంచ‌వ్యాప్తంగా తమ ఉత్ప‌త్తుల అమ్మ‌కాన్ని ఆ కంపెనీ నిలిపివేసింది. బాన్స‌న్ అండ్ జాన్స‌న్ కంపెనీ దాదాపు 130 ఏళ్ల నుంచి త‌మ ఉత్ప‌త్తుల్ని సేల్ చేస్తోంది.