Japan | టోక్యో : జపాన్లో తొలిసారిగా ఒక ప్రైవేట్ కంపెనీ ఆధ్వర్యంలో చేపట్టిన ఉపగ్రహ ప్రయోగం విఫలమైంది. ప్రయోగించిన కొద్ది క్షణాల్లోనే గాలిలో పేలిపోయింది. పెద్దయెత్తున నిప్పులు వెదజల్లుతూ శకలాలు చెల్లా చెదురుగా పడ్డాయి. సెంట్రల్ జపాన్ వయకమ ప్రిఫిక్చర్లోని లాంచ్ప్యాడ్ నుంచి బుధవారం ప్రయోగించిన కైరోస్ రాకెట్ కొద్ది సెకండ్లలోనే పేలిపోవడంతో మండుతున్న శకలాలు చుట్టూ ఉన్న కొండలపై పడగా, వాటిని ఆర్పడానికి వాటర్ స్ప్రింక్లర్లను ఉపయోగించారు. రాకెట్ లాంచింగ్ సెంటర్లో దట్టమైన పొగలు అలుముకున్నాయి. ఈ ప్రమాదంలో ఎవరూ గాయపడలేదని, మంటలను అదుపులోకి తెచ్చామని కుషిమోటో నగర అధికారులు తెలిపారు.