Japan PM Kishida: జ‌పాన్ ప్ర‌ధానిపై బాంబు దాడి.. కిషిదాకు త‌ప్పిన ముప్పు

Japan PM Kishida: కిషిదాను టార్గెట్ చేశారు. పైప్ బాంబుతో అటాక్ చేశారు. అయితే జ‌పాన్ ప్ర‌ధాని ఆ దాడి నుంచి త‌ప్పించుకున్నారు. ఓ మీటింగ్‌లో ప్ర‌సంగం స్టార్ట్ చేయ‌డానికి ముందే ఆయ‌న‌పై హ‌త్యాయ‌త్నం జ‌రిగింది.

టోక్యో: జ‌పాన్ ప్ర‌ధాని ఫుమియో కిషిదా(Japan PM Kishida)కు పెను ప్ర‌మాదం త‌ప్పింది. వ‌క‌యామా సిటీలో ప్ర‌ధాని కిషిదా ఓ మీటింగ్‌లో పాల్గొన్నారు. అయితే ఆయ‌న ప్ర‌సంగం స్టార్ట్ చేయ‌డానికి కొన్ని సెక‌న్ల ముందే భారీ పేలుడు ఘ‌ట‌న జ‌రిగింది. మీటింగ్ నిర్వ‌హిస్తున్న నేత‌ల‌పై స్మోక్ లేదా పైప్ బాంబును విసిరి ఉంటార‌ని అనుమానిస్తున్నారు.

https://twitter.com/yukiko_070/status/1647068891536048128?s=20

ప్ర‌ధాని మీటింగ్‌కు హాజ‌రైన జ‌నం.. బాంబు పేలుడుతో ఒక్క‌సారిగా ఉలిక్కిప‌డ్డారు. అక్క‌డ ఉన్న వారంతా ఉరుకులు ప‌రుగులు పెట్టారు. బాంబు దాడిలో కిష‌దాకు ఎటువంటి న‌ష్టం జ‌రగ‌లేదు. దీంతో ఆయ‌న్ను అక్క‌డ నుంచి హుటాహుటిన త‌ర‌లించారు.

లిబ‌ర‌ల్ డెమోక్ర‌టిక్ పార్టీ వ్య‌క్తితో కిషిదా మాట్లాడుతున్న స‌మ‌యంలో బాంబు పేలుడు ఘ‌ట‌న జ‌రిగింది. స్మోక్ బాంబుతో అటాక్ చేసిన వ్య‌క్తిని ప‌ట్టుకున్న‌ట్లు స్థానిక మీడియా చెబుతోంది. గ‌త ఏడాది జూలై 22వ తేదీన మాజీ ప్ర‌ధాని షింజో అబేను తుపాకీతో ఓ వ్య‌క్తి కాల్చి చంపిన విష‌యం తెలిసిందే.