Israeli Strike: గాజా స్కూల్‌పై అటాక్‌.. 35 మంది మృతి

Israeli Strike: గాజాలో దారుణం జ‌రిగింది. ఓ స్కూల్‌పై ఇజ్రాయిల్ వైమానిక దాడి చేసింది. సెంట్ర‌ల్ గాజాలో ఉన్న యూఎన్ సంబంధిత స్కూల్‌పై జ‌రిగిన అటాక్‌లో 35 మంది మ‌ర‌ణించిన‌ట్లు అధికారులు చెప్పారు. మృతుల సంఖ్య పెరిగే అవ‌కాశం ఉన్న‌ది.

గాజా: గాజాలో దారుణం జ‌రిగింది. ఓ స్కూల్‌పై ఇజ్రాయిల్ వైమానిక దాడి(Israeli Strike) చేసింది. సెంట్ర‌ల్ గాజాలో ఉన్న యూఎన్ సంబంధిత స్కూల్‌పై జ‌రిగిన అటాక్‌లో 35 మంది మ‌ర‌ణించిన‌ట్లు అధికారులు చెప్పారు. నుసేర‌త్ శ‌ర‌ణార్థి క్యాంపులో ఉన్న స్కూల్ టాప్ ఫ్లోర్‌పై ఇమ్రాయిల్ యుద్ధ విమానాలు రెండు మిస్సైళ్ల‌తో అటాక్ చేశాయి. స్కూల్ కాంపౌండ్‌లో ఉన్న హ‌మాస్ కేంద్రంపై దాడి చేసిన‌ట్లు ఇజ్రాయిల్ మిలిట‌రీ పేర్కొన్న‌ది. ఇజ్రాయిల్ హీన‌మైన నేరాల‌కు పాల్ప‌డుతున్న‌ట్లు హ‌మాస్ మీడియా పేర్కొన్న‌ది. దాడిలో గాయ‌ప‌డ్డ‌వారిని అంబులెన్సుల్లో రెస్క్యూ బృందాలు త‌ర‌లిస్తున్నాయి. క్లాస్‌రూమ్‌లు ధ్వంసం అయ్యాయి. మృత‌దేహాలు చెల్లాచెదురుగా ప‌డి ఉన్న వీడియోలు కూడా వైర‌ల్ అవుతున్నాయి.