Israel-Hamas War | గాజాలో పోరు ఉధృతం.. ‘ఖాన్‌ యూనిస్‌’ను చుట్టుముట్టినట్లు ఇజ్రాయెల్‌ ప్రకటన

Israel-Hamas War | గాజాలో ఇజ్రాయెల్‌ సైన్యం తన పోరాటాన్ని ఉద్ధృతం చేసింది. గాజా స్ట్రిప్‌లోని రెండో అతిపెద్ద నగరమైన ఖాన్‌ యూనిస్‌ (Khan Younis) ను తమ బలగాలు చుట్టుముట్టాయని తాజాగా ఇజ్రాయెల్‌ ప్రకటించింది. సెంట్రల్‌ గాజాలో హమాస్‌ మిలిటెంట్‌లు జరిపిన దాడిలో 24 మంది ఇజ్రాయెల్‌ సైనికులు మరణించిన వేళ ఈ పరిణామం చోటుచేసుకుంది.

Israel-Hamas War‌: గాజాలో ఇజ్రాయెల్‌ సైన్యం తన పోరాటాన్ని ఉద్ధృతం చేసింది. గాజా స్ట్రిప్‌లోని రెండో అతిపెద్ద నగరమైన ఖాన్‌ యూనిస్‌ (Khan Younis) ను తమ బలగాలు చుట్టుముట్టాయని తాజాగా ఇజ్రాయెల్‌ ప్రకటించింది. సెంట్రల్‌ గాజాలో హమాస్‌ మిలిటెంట్‌లు జరిపిన దాడిలో 24 మంది ఇజ్రాయెల్‌ సైనికులు మరణించిన వేళ ఈ పరిణామం చోటుచేసుకుంది.

తమ రక్షణ సిబ్బంది మరణాలపై దిగ్భ్రాంతి వ్యక్తం చేసిన ఇజ్రాయెల్‌ ప్రధాని బెంజామిన్‌ నెతన్యాహు (Netanyahu).. హమాస్‌పై సంపూర్ణ విజయం సాధించేవరకు పోరాడతామని మరోసారి స్పష్టంచేశారు. బందీలను విడిపించుకుంటామన్నారు. కాగా, కొంతకాలంగా ‘ఖాన్‌ యూనిస్‌’లో తీవ్ర పోరు కొనసాగుతోంది. ఉగ్రసంస్థ అగ్రనేతలు ఈ నగరం కింది సొరంగాల్లో దాక్కున్నట్లు ఇజ్రాయెల్ అధికారులు చెబుతున్నారు. పైగా అది హమాస్ అగ్రనేత యహ్యా సిన్‌వార్ స్వస్థలం. ప్రస్తుతం అతడి ఆచూకీ తెలియాల్సి ఉంది.

కాగా, అంతకుముందు స్థానికంగా ఇజ్రాయెల్‌ బలగాలు జరిపిన దాడిలో 50 మంది పాలస్తీనా వాసులు మృతిచెందారు. ఈ ఘటనపై స్పందించిన అమెరికా.. రెండు వర్గాల మధ్య పోరులో అమాయక ప్రజలు ప్రాణాలు కోల్పోకుండా చర్యలు తీసుకోవాలని ఇజ్రాయెల్‌కు సూచించింది.