Watch: నవజాత శిశువును కరెన్సీ నోట్లతో కప్పిన తండ్రి.. నెటిజన్లు ఎలా స్పందించారంటే?

Viral Video | తండ్రి అయిన ఒక వ్యక్తి తన సంతోషాన్ని వ్యక్తం చేయడానికి వినూత్న మార్గాన్ని ఎంచుకున్నాడు. నవజాత శిశువుపై వంద అమెరికన్‌ డాలర్ల నోట్ల వర్షం కురిపించాడు. ఆ పసిబాలుడ్ని ఆ కరెన్సీ నోట్లతో కప్పివేశాడు.  తన రిచ్‌నెస్‌, స్టేటస్‌ను ఈ విధంగా చాటేందుకు ప్రయత్నించాడు. 

వాషింగ్టన్‌: ఒక తండ్రి నవజాత శిశువుపై తన ప్రేమను వినూత్నంగా చాటాడు. అప్పుడే పుట్టిన పసిబాలుడిపై చాలా విలువైన కరెన్సీ నోట్ల వర్షం కురిపించాడు. అలాగే ఆ శిశువును ఆ కరెన్సీ నోట్లతో పూర్తిగా కప్పివేశాడు. ఈ వీడియో క్లిప్‌ సోషల్‌ మీడియాలో వైరల్‌ (Viral Video) అయ్యింది. అయితే ఆ వ్యక్తిపై నెటిజన్లు మండిపడ్డారు. నవజాత శిశువుకు హాని కలిగించేలా కరెన్సీ నోట్లను వెదజల్లడం వాటితో కప్పడాన్ని తప్పుపడ్డారు. సాధారణంగా దంపతులకు సంతానం కలిగినప్పుడు వారెంతో సంతోషిస్తారు. తల్లిదండ్రులైన ఆనందాన్ని కొందరు పలు విధాలుగా జరుపుకుంటారు. ఎక్కువ మంది పూజలు వంటి మతపర కార్యక్రమాలు చేస్తుంటారు. మరి కొందరు అన్నదానం, పేదలకు వితరణ వంటివి చేస్తారు.

కాగా, తండ్రి అయిన ఒక వ్యక్తి తన సంతోషాన్ని వ్యక్తం చేయడానికి వినూత్న మార్గాన్ని ఎంచుకున్నాడు. నవజాత శిశువుపై వంద అమెరికన్‌ డాలర్ల నోట్ల వర్షం కురిపించాడు. ఆ పసిబాలుడ్ని ఆ కరెన్సీ నోట్లతో కప్పివేశాడు. తన రిచ్‌నెస్‌, స్టేటస్‌ను ఈ విధంగా చాటేందుకు ప్రయత్నించాడు. డైలీ లౌడ్‌ అనే ట్విట్టర్‌ యూజర్‌ ఈ వీడియో క్లిప్‌ను సోషల్‌ మీడియాలో పోస్ట్‌ చేశారు. ‘అప్పుడే పుట్టిన బిడ్డను ఒక వ్యక్తి వంద డాలర్ల నోట్లతో కప్పేశాడు’ అని అందులో పేర్కొన్నారు.

మరోవైపు ఈ వీడియో క్లిప్‌ సోషల్‌ మీడియాలో వైరల్‌ అయ్యింది. తండ్రి అయిన ఆ వ్యక్తిపై నెటిజన్లు మండిపడ్డారు. నవజాత శిశువుపై కరెన్సీ నోట్ల వర్షం కురిపించి, ఆ పసిబాబును కరెన్సీ నోట్లతో కప్పడాన్ని చాలా మంది తప్పుపడ్డారు. డబ్బులు కాదు క్రిములను ఆ పసిబాలుడిపై వెదజల్లుతున్నాడని విమర్శించారు. ఆ కరెన్సీ నోట్లు మురికిగా ఉన్నాయని, వాటిని శిశువుపై వేయడం వల్ల అనారోగ్యం వాటిల్లుతుందని కొందరు ఆందోళన వ్యక్తం చేశారు. నవజాత శిశువుపై బ్యాక్టీరియా బ్లాంకెట్‌ అని, బేబీకి తల్లి పాలు కావాలి కాని కరెన్సీ నోట్లు కాదని మరి కొందరు దుయ్యబట్టారు.

Man covers his new born baby with hundreds 😳 https://t.co/AFEYajIY6N

— Daily Loud (@DailyLoud) April 25, 2023