బాలికపై రోబో లైంగిక వేధింపులు!

ఒక రోబో 16 ఏండ్ల బాలికను తడిమి లైంగిక వేధింపులకు పాల్పడిన ఘటన జర్మనీలోని కొలోన్‌లో శనివారం చోటుచేసుకుంది. ఈ రోబో పోలీసుల అదుపులో ఉంది. నాలుగు అడుగుల ఎత్తున్న ఈ హ్యూమనాయిడ్‌ రోబో బాలిక వెనుక ఆమెను తడమడమే కాక, అసభ్య కదలికలు చేసింది.

కొలోన్‌ : ఒక రోబో 16 ఏండ్ల బాలికను తడిమి లైంగిక వేధింపులకు పాల్పడిన ఘటన జర్మనీలోని కొలోన్‌లో శనివారం చోటుచేసుకుంది. ఈ రోబో పోలీసుల అదుపులో ఉంది. నాలుగు అడుగుల ఎత్తున్న ఈ హ్యూమనాయిడ్‌ రోబో బాలిక వెనుక ఆమెను తడమడమే కాక, అసభ్య కదలికలు చేసింది. ఈ రోబోను రిమోట్‌ ద్వారా నియంత్రిస్తున్న ఇద్దరు బాలురు ఈ దృశ్యాన్ని లైవ్‌ స్ట్రీమింగ్‌ చేయడంతో ఈ ఘటన వెలుగులోకి వచ్చింది.

దీంతో పోలీసులు రోబోతో పాటు 16, 19 ఏండ్ల ఆ ఇద్దరినీ అదుపులోకి తీసుకున్నారు. స్నేహితులతో వచ్చిన ఆ అమ్మాయి పామ్‌స్ట్రాస్‌లోని ఒక ఫాస్ట్‌పుడ్‌ రెస్టారెంట్‌లో ఉండగా ఈ ఘటన జరిగింది. ఆ బాలికపై ఉద్దేశపూర్వకంగా రోబోతో లైంగిక వేధింపులకు ప్రయత్నించారా అన్న విషయాన్ని దర్యాప్తు చేస్తున్నామని వారు చెప్పారు.