యెమెన్‌ అధ్యక్షుడి భవనంపై హౌతీల దాడి

హౌతీ తిరుగుబాటుదారులు యెమెన్‌లోని తీర ప్రాంత నగరం అడెన్‌లోని అధ్యక్షుడి నివాస భవనంపై గురువారం అయిదు ఖండాంతర క్షిపణులతో దాడి చేశారు. ఈ దాడిలో ఇద్దరు భద్రతా సిబ్బంది సహా నలుగురు చనిపోయారు.

• నలుగురి మృతి, తప్పించుకొన్న ప్రధాని, మంత్రులు

అడెన్‌ : హౌతీ తిరుగుబాటుదారులు యెమెన్‌లోని తీర ప్రాంత నగరం అడెన్‌లోని అధ్యక్షుడి నివాస భవనంపై గురువారం అయిదు ఖండాంతర క్షిపణులతో దాడి చేశారు. ఈ దాడిలో ఇద్దరు భద్రతా సిబ్బంది సహా నలుగురు చనిపోయారు. దాడి సమయంలో ప్రధాని షయా మోహ్‌సెన్‌ అల్‌-జిన్‌దానీ, పలువురు మంత్రులు భవనం లోపలే ఉన్నారు.

అయితే దాడి నుంచి వారు సురక్షితంగా బయటపడ్డారని యెమెన్‌ సమాచార శాఖ వెల్లడించింది. అడెన్‌లోని సౌదీ ఆరేబియా మిలిటరీ ఆపరేషన్స్‌ ప్రధాన కార్యాలయాన్ని లక్ష్యంగా చేసుకొని ఈ దాడి చేసినట్టు హౌతీలు ప్రకటించారు. అడెన్‌ యెమెన్‌ మధ్యంతర రాజధానిగా సేవలందిస్తున్నది.