బార్బ‌ర్ ఫీట్‌కు నెటిజ‌న్ల ప్ర‌శంస‌లు : నిరాశ్ర‌యుడికి ఫ్రీ హెయిర్ క‌ట్‌తో మేకోవ‌ర్‌!

ఓ నిరాశ్ర‌యుడికి ఉచితంగా హెయిర్ క‌ట్ చేసి కొత్త లుక్ ఇచ్చిన బార్బ‌ర్‌పై నెటిజ‌న్లు ప్ర‌శంస‌లు గుప్పించారు.

న్యూయార్క్ : ఓ నిరాశ్ర‌యుడికి ఉచితంగా హెయిర్ క‌ట్ చేసి కొత్త లుక్ ఇచ్చిన బార్బ‌ర్‌పై నెటిజ‌న్లు ప్ర‌శంస‌లు గుప్పించారు. ఎంప‌వ‌రింగ్ క‌ట్స్‌కు చెందిన జోషువ శాంటియాగో ఓ వీధిలో నిరాశ్ర‌యుడిని చూసి అత‌డికి స్టన్నింగ్ మేకోవ‌ర్ ఇచ్చారు. శాంటియాగో అమెరికాలో వీధుల్లోనే బ‌తుకీడ్చే వారికి ఉచితంగా క్షవ‌రం చేస్తుంటాడు.

ఈ మేకోవ‌ర్‌కు సంబంధించిన వీడియోను ఎంప‌వ‌రింగ్ క‌ట్స్ ఇన్‌స్టాగ్రాంలో షేర్ చేసింది. ప్ర‌తి ఒక్క‌రూ త‌మ గురించి మంచిగా ఫీల‌య్యేందుకు అర్హుల‌ని ఈ వీడియోకు క్యాప్ష‌న్ ఇచ్చారు. శాంటియాగో మొబైల్ సెలూన్‌లోని ఛైర్‌లో వ్య‌క్తి కూర్చుని ఉండ‌గా అత‌డికి హెయిర్ క‌ట్ చేస్తుండ‌టం ఈ వీడియోలో క‌నిపించింది.

 

View this post on Instagram

 

A post shared by EMPOWERING CUTS INC. (@empoweringcuts_)

క‌టింగ్‌, షేవింగ్ పూర్త‌యిన అనంత‌రం స‌ద‌రు వ్య‌క్తి ఏకంగా 20 ఏండ్లు చిన్న‌గా క‌నిపించాడ‌ని ఓ యూజ‌ర్ కామెంట్ చేశారు. ఈ వైర‌ల్ వీడియోలో వ్య‌క్తి న్యూ లుక్ ప‌లువురిని ఆక‌ట్టుకుంది. నిరాశ్ర‌యుల ప‌ట్ల బార్బ‌ర్ చూపిన ద‌యాగుణాన్ని నెటిజ‌న్లు మెచ్చుకున్నారు. హెయిర్‌క‌ట్‌తో ఇంత డిఫ‌రెన్స్ ఎలా సాధ్య‌మ‌ని మ‌రో యూజ‌ర్ ఆశ్చ‌ర్యం వ్య‌క్తం చేశారు.