Fire Accident: స్పెయిన్‌లో భారీ అగ్నిప్ర‌మాదం.. రెండు అపార్ట్‌మెంట్లు ద‌గ్ధం.. వీడియో

Fire Accident: స్పెయిన్‌లోని వాలెన్సియా సిటీలో ఉన్న రెండు అపార్ట్‌మెంట్ల‌లో మంట‌లు చెల‌రేగాయి. ఈ దుర్ఘ‌ట‌న‌లో న‌లుగురు మృతిచెందారు. 15 మంది అదృశ్య‌మ‌య్యారు. క్యాంప‌నార్ ప్రాంతంలో ఉన్న ఓ 14 అంత‌స్తుల భ‌వంతిలో అగ్నిప్ర‌మాదం జ‌రిగింది. ఆ బిల్డింగ్ నుంచి మ‌రో బిల్డింగ్‌కు మంట‌లు వ్యాపించాయి.

వాలెన్సియా: స్పెయిన్‌లో భారీ అగ్నిప్ర‌మాదం(Fire Accident) జ‌రిగింది. వాలెన్సియా సిటీలో ఉన్న రెండు అపార్ట్‌మెంట్ల‌లో మంట‌లు చెల‌రేగాయి. ఈ దుర్ఘ‌ట‌న‌లో న‌లుగురు మృతిచెందారు. 15 మంది అదృశ్య‌మ‌య్యారు. క్యాంప‌నార్ ప్రాంతంలో ఉన్న ఓ 14 అంత‌స్తుల భ‌వంతిలో అగ్నిప్ర‌మాదం జ‌రిగింది. ఆ బిల్డింగ్ నుంచి మ‌రో బిల్డింగ్‌కు మంట‌లు వ్యాపించాయి. బాల్క‌నీల్లో చిక్కుకున్న అపార్ట్‌మెంట్ వాసుల్ని అగ్నిమాప‌క సిబ్బంది ర‌క్షిస్తోంది. బిల్డింగ్‌లో ఉన్న వ‌స్తువుల వ‌ల్ల వేగంగా మంట‌లు వ్యాపించాయి.

మంట‌లు అంటుకున్న బిల్డింగ్‌లో 138 ఫ్లాట్లు ఉన్నాయి. దాంట్లో 450 మంది జీవిస్తున్నారు. ఆరుగురు అగ్నిమాప‌క సిబ్బందితో పాటు మొత్తం 15 మంది గాయ‌ప‌డ్డారు. అయితే వారి ప‌రిస్థితి నిల‌క‌డ‌గా ఉంద‌ని అధికారులు చెబుతున్నారు. ఆచూకీలేని 15 మంది కోసం వెతుకుతున్నామ‌ని వాలెన్సియా మేయ‌ర్ మారియా జోస్ క‌ట‌లా తెలిపారు.

దాదాపు 20 మంది అగ్నిమాప‌క సిబ్బంది మంట‌ల్ని ఆర్పే ప్ర‌య‌త్నం చేశారు. బ‌ల‌మైన గాలులు వ‌ల్ల మంట‌లు రెట్టింపు అవుతున్నాయి. క్రేన్ల ఆధారంగా ఫైర్‌ఫైట‌ర్లు స్థానికుల్ని ర‌క్షిస్తున్నారు.

Heavy fire in a residential tower in Valencia, Spain pic.twitter.com/kno59GiLRE

— S p r i n t e r (@Sprinter99800) February 23, 2024