టీకా సూది సరిగ్గా పొడవకపోతే రక్తం గడ్డకట్టే ప్రమాదం

వాషింగ్టన్‌, జూలై 3: ఎడినోవైరస్‌ ఆధారంగా తయారు చేసిన కరోనా టీకాలు (అస్ట్రాజెనెకా, జే అండ్‌ జే, స్పుత్నిక్‌ వీ) వేసుకొన్నవారిలో రక్తం గడ్డకట్టడానికి.. ఇంజెక్షన్‌ సరిగ్గా వేయకపోవడం కూడా ఓ కారణం కావొచ్చని శాస్త్రవేత్తలు చెప్పారు. టీకా వేసేటప్పుడు ఇంజెక్షన్‌ సరిగా పొడవకపోతే నరాల్లో రక్తం గడ్డకట్టే ప్రమాదం ఉందని ఇటలీ, జర్మనీలోని మ్యూనిక్‌ వర్సిటీ శాస్త్రవేత్తలు ఎలుకలపై జరిపిన పరిశోధనల్లో వెల్లడైంది. టీకా కండరానికి వేయాలి. అయితే ఇంజక్షన్‌ వేసేటప్పుడు కొందరు చర్మాన్ని లాగి పట్టుకోవడం వల్ల సూది కొస కండరానికి చేరదని శాస్త్రవేత్తలు చెప్పారు. టీకా మందు నరాల్లోకి వెళ్లినప్పుడు రక్తం గడ్డకట్టే అవకాశం ఉందని తెలిపారు.

కరోనా నుంచి కోలుకొన్నవారికి డెల్టా నుంచి ఎక్కువ రక్షణ
కరోనా నుంచి కోలుకొన్న వారు ఒక్క డోసు టీకా వేసుకొన్నా మిగతా వారితో పోల్చితే డెల్టా వేరియంట్‌ నుంచి ఎక్కువ రక్షణ లభిస్తుందని ఐసీఎంఆర్‌ అధ్యయనంలో తేలింది.