Visit:
స్టాక్టన్‌, నవంబర్‌ 30 : అమెరికాలోని ఉత్తర కాలిఫోర్నియాలో ఓ కుటుంబం చిన్నారి పుట్టినరోజు వేడుకలు జరుపుకుంటుండగా.. అక్కడికి కొంతమంది దుండగులు ప్రవేశించి కాల్పులకు తెగబడ్డారు. శాన్‌ఫ్రాన్సిస్కోకు 80 మైళ్ల దూరంలోని స్టాక్టన్‌ నగరంలో ఆదివారం చోటుచేసుకున్న ఈ ఘటనలో నలుగురు ప్రాణాలు కోల్పోగా, మరో 10 మంది గాయపడ్డారని స్థానిక పోలీస్‌ అధికారి చెప్పారు.
పుట్టినరోజు వేడుక కోసం హాజరైన చిన్న పిల్లలు, మహిళలు ఓ హాల్‌లో గుమికూడి ఉండగా దుండగులు తుపాకీ కాల్పులకు తెగబడ్డారని తెలిసింది. మృతుల్లో ఇద్దరు పిల్లలు, ఇద్దరు పెద్దవాళ్లు ఉన్నట్టు సమాచారం. దుండగులు ఎందుకు ఇంత దారుణానికి పాల్పడ్డారన్నది ఇంకా తెలియలేదు.
