లండన్: బ్రిటన్ రాజకీయాలు మళ్లీ రసవత్తరంగా మారాయి. ప్రధాని రిషి సునాక్ తీసుకున్న నిర్ణయం.. అందర్నీ షాక్కు గురిచేసింది. క్యాబినెట్ను మార్చిన సునాక్.. విదేశాంగ మంత్రిత్వశాఖను మాజీ ప్రధాని డేవిడ్ కెమరూన్(David Cameron)కు అప్పగించారు. ఊహించని పరిణామాలతో బ్రిటన్లో రాజకీయాలు మళ్లీ హీటెక్కాయి. కన్జర్వేటివ్ పార్టీకి చెందిన డేవిడ్ కెమరూన్.. 2010 నుంచి 2016 వరకు దేశ ప్రధానిగా చేశారు. ప్రధాని సునాక్ తీసుకున్న కొన్ని నిర్ణయాలను వ్యక్తిగతంగా వ్యతిరేకించినా.. ప్రస్తుత ప్రధాని చాలా బలమైన, సమర్ధవంతమైన నేత అని కెమరూన్ అన్నారు.
హోంశాఖ మంత్రి సుయిల్లా బ్రెవర్మాన్ను ఇవాళ సునాక్ తొలగించిన విషయం తెలిసిందే. దీంతో ఆ స్థానం ఖాళీ ఏర్పడింది. అయితే విదేశాంగ మంత్రిగా ఉన్న జేమ్స్ క్లెవర్లీకి ఆ పోస్టును అప్పించారు. దీంతో ఖాళీ అయిన విదేశాంగ మంత్రిత్వశాఖను డేవిడ్ కెమరూన్కు అప్పగించారు. మాజీ ప్రధాని కెమరూన్.. మళ్లీ మంత్రి మండలిలోకి రావడాన్ని మాజీ ప్రధాని థెరిస్సా మే స్వాగతించారు. అంతర్జాతీయంగా కెమరూన్కు ఉన్న గుర్తింపు ప్రస్తుత అనిశ్చితి సమయంలో ఉపయోగపడుతుందన్నారు.