Elon Musk: ఎస్వీబీ బ్యాంక్ కొనుగోలుపై మ‌స్క్ ఇంట్రెస్ట్‌

Elon Musk : ఎస్వీబీ బ్యాంక్‌ను కొనుగోలు చేయాల‌న్న ఐడియాను తాను స్వాగ‌తిస్తున్న‌ట్లు ఎల‌న్ మ‌స్క్ తెలిపారు. ఆ బ్యాంక్ లావాదేవీల‌ను అమెరికా ప్ర‌భుత్వం స్తంభింప‌చేసిన విష‌యం తెలిసిందే. రెగ్యులేట‌ర్లు ఆ బ్యాంక్‌ను మూసివేశారు.

న్యూయార్క్‌: అమెరికాకు చెందిన సిలికాన్ వ్యాలీ బ్యాంక్‌(SVB)ను మూసివేసిన విష‌యం తెలిసిందే. ఆ బ్యాంక్ ఆస్తుల్ని సీజ్(assets seized) చేశారు. గ్రేట్ రిసెష‌న్ త‌ర్వాత అమెరికాలో దివాళీ తీసిన అతిపెద్ద బ్యాంక్‌గా ఎస్వీబీ నిలిచింది. ఆ బ్యాంకులో డిపాజిట‌ర్లు, ఇన్వెస్ట‌ర్ల‌కు చెందిన బిలియ‌న్ల డాల‌ర్లు స్తంభించిపోయాయి.

అయితే ఆ బ్యాంక్‌ను ట్విట్ట‌ర్(twitter) సంస్థ టేకోవ‌ర్ తీసుకోవాల‌ని రేజ‌ర్ కంపెనీ సీఈవో(Razer CEO) మిన్ లియాంగ్ టాన్ కోరారు. త‌న ట్విట్ట‌ర్‌లో ఆయ‌న ఇవాళ ఓ ట్వీట్ చేశారు. రేజ‌ర్ హార్డ్‌వేర్ సంస్థ ఈసీవో చేసిన ప్ర‌తిపాద‌న‌పై ఎల‌న్ మ‌స్క్(Elon Musk) స్పందించారు. ఆ ఐడియాను తాను స్వాగ‌తిస్తున్న‌ట్లు మ‌స్క్ త‌న ట్వీట్‌లో చెప్పారు.

I’m open to the idea

— Elon Musk (@elonmusk) March 11, 2023

ఎస్వీబీ బ్యాంకు స్టాక్స్ దారుణంగా ప‌డిపోయాయి. ఆ కంపెనీ స్టాక్స్ 60 శాతం క్షీణించాయి. దీంతో అమెరికా ఫైనాన్స్ రెగ్యులేట‌రీ సంస్థ ఎస్వీబీపై చ‌ర్య‌లు తీసుకున్న‌ది. స్టార్ట‌ప్‌ల‌పై ఫోక‌స్ చేసే ఆ బ్యాంక్‌ను మూసివేసింది.