అమెరికాలోని ప్రతి బిడ్డకు స్పేస్‌ఎక్స్‌ షేర్‌!

ప్రపంచంలోనే అత్యంత ధనవంతుడైన వ్యాపారవేత్త ఎలాన్‌ మస్క్‌ వచ్చే ఏడాది అమెరికాలోని ప్రతి బిడ్డకు తన రాకెట్‌ తయారీ సంస్థ స్పేస్‌ఎక్స్‌లో ఒక వాటాను బహుమతిగా ఇవ్వనున్నారు. తన సోషల్‌ మీడియా వేదిక ఎక్స్‌లో ఈ విషయాన్ని సోమవారం మస్క్‌ ప్రకటించారు. స్పేస్‌ఎక్స్‌ సంస్థకు చెందిన ఒక షేర్‌ విలువ 146 డాలర్లు అంటే సుమారు రూ.14,000గా ఉంది.

• వచ్చే ఏడాది ఇస్తా: ఎలాన్‌ మస్క్‌

న్యూఢిల్లీ: ప్రపంచంలోనే అత్యంత ధనవంతుడైన వ్యాపారవేత్త ఎలాన్‌ మస్క్‌ వచ్చే ఏడాది అమెరికాలోని ప్రతి బిడ్డకు తన రాకెట్‌ తయారీ సంస్థ స్పేస్‌ఎక్స్‌లో ఒక వాటాను బహుమతిగా ఇవ్వనున్నారు. తన సోషల్‌ మీడియా వేదిక ఎక్స్‌లో ఈ విషయాన్ని సోమవారం మస్క్‌ ప్రకటించారు. స్పేస్‌ఎక్స్‌ సంస్థకు చెందిన ఒక షేర్‌ విలువ 146 డాలర్లు అంటే సుమారు రూ.14,000గా ఉంది. అమెరికాలో సుమారు 7.20 కోట్ల మంది పిల్లలు ఉన్నారు. తద్వారా పంపిణీ చేయాల్సిన వాటాల విలువ రూ. 1 లక్ష కోట్లు అవుతుంది. అయితే, దీనిని లక్షలాది మంది పిల్లలకు చేరవేసే ప్రక్రియ ఎలా ఉంటుందో తెలియదు. మస్క్‌ లేదా ఆయన కంపెనీ దీనిపై ఇప్పటివరకు ఎటువంటి సమాచారం అందించలేదు. అంతేగాక ఏ పిల్లలు ఇందుకు అర్హులు అవుతారో కూడా స్పష్టంగా తెలియదు. మస్క్‌ తన పోస్ట్‌లో అమెరికాలోని ప్రతి బిడ్డ గురించి ప్రస్తావించారు. అయితే దీనికి సంబంధించి కొన్ని పరిమితులు ఉన్నాయి.

కొన్ని సందేహాలు
ఈ వాటాలు అమెరికా పౌరసత్వం కలిగిన పిల్లలకు మాత్రమే అందుబాటులో ఉంటాయా లేక అమెరికాలో నివసిస్తున్న ఇతర పిల్లలకు కూడా వర్తిస్తాయా అనేది స్పష్టంగా లేదు. మస్క్‌ ఎటువంటి వయోపరిమితిని పేర్కొనలేదు. తల్లిదండ్రులు తమ పిల్లల కోసం ఏయే పత్రాలను సమర్పించాల్సి ఉంటుంది, ఏదైనా ఫామ్‌ను పూరించాలా లేదా మరేదైనా పద్ధతిని అనుసరించాలా అనే వివరాలు ప్రస్తుతం తెలియవు. మరో ముఖ్యమైన ప్రశ్న షేర్లను పిల్లలకు ఎలా బదిలీ చేస్తారనేది తెలియదు.