దుబాయ్‌లో పార్కులోనే ఆఫీసు

ఉద్యోగమంటే నాలుగు గోడల మధ్య కూర్చుని పనిచేయడమే కాదు.. ప్రకృతి ఒడిలోనూ హాయిగా విధులు నిర్వహించవచ్చు. ఈ వినూత్న ఆలోచనకు దుబాయ్‌ శ్రీకారం చుట్టింది. తొలిసారిగా ‘వర్క్‌ ఫ్రమ్‌ పార్క్‌' కేంద్రాన్ని ప్రారంభించింది.

దుబాయ్‌: ఉద్యోగమంటే నాలుగు గోడల మధ్య కూర్చుని పనిచేయడమే కాదు.. ప్రకృతి ఒడిలోనూ హాయిగా విధులు నిర్వహించవచ్చు. ఈ వినూత్న ఆలోచనకు దుబాయ్‌ శ్రీకారం చుట్టింది. తొలిసారిగా ‘వర్క్‌ ఫ్రమ్‌ పార్క్‌’ కేంద్రాన్ని ప్రారంభించింది. అల్‌ బర్షా పాండ్‌ పార్క్‌లో నవంబర్‌ 2న అందుబాటులోకి వచ్చిన ఈ కేంద్రంలో చెట్ల మధ్య ఉచితంగా పనిచేసుకోవచ్చు.

ఏసీతో కూడిన ఇండోర్‌ వర్క్‌ స్పేస్‌లను రోజుకు 50 దిర్హామ్‌ల నుంచి వినియోగించుకోవచ్చు. ఉదయం 8 గంటల నుంచి రాత్రి 8 గంటల వరకు ఇవి పనిచేస్తాయి. కుటుంబ సభ్యులతో పార్క్‌కు వస్తూనే ఉద్యోగం చేసుకునే అవకాశం ఈ ప్రాజెక్టు ప్రత్యేకత.