Visit:
వాషింగ్టన్‌,జూన్‌ 12 : ఎంతోకాలంగా ఊరిస్తూ వస్తున్న గోల్డ్‌ కార్డు రిజిస్ట్రేషన్‌కు సంబంధించిన వెబ్‌సైట్‌ని అమెరికా అధ్యక్షుడు డొనాల్డ్‌ ట్రంప్‌ బుధవారం ప్రారంభించారు. విదేశీ వలసదారులు అమెరికా ప్రభుత్వానికి 50 లక్షల డాలర్లు(దాదాపు రూ. 43 కోట్లు) చెల్లించడం ద్వారా అమెరికా పౌరసత్వాన్ని పొందేందుకు మార్గాన్ని ఏర్పాటు చేసుకోవడమే ఈ గోల్డ్‌ కార్డు ఉద్దేశం. ప్రపంచంలో ఎక్కడా లేని అత్యంత గొప్ప దేశానికి, మార్కెట్‌కు దారి చూపించే అద్భుత ప్రయాణం సాగించేందుకు ఎక్కడ సంతకం చేయాలని వేలాదిమంది తనను అడుగుతున్నట్లు ట్రంప్‌ తన ట్రూత్‌ పోస్టులో పేర్కొన్నారు.
ట్రంప్‌ కార్డుపై ఆసక్తి ఉన్న వారిని మాత్రమే వెబ్‌సైట్‌ అనుమతిస్తోంది. అభ్యర్థి తన పేరు, మతం, చిరునామాను రిజిస్టర్‌ చేసుకోవలసి ఉంటుంది. trumpcard.gov పేరుతోఉన్న ఈ కొత్త వైబ్‌సైట్‌లో బంగారు రంగు కార్డు నమూనాను ఉంచారు. కార్డుపైన 5 మిలియన్‌ డాలర్లని అంకె ముద్రించారు. యూరప్‌, ఆసియా(పశ్చిమాసియాతో సహా), ఉత్తర అమెరికా, ఓషియానియా, మధ్య అమెరికా, దక్షిణ అమెరికా, కరీబియన్‌, ఆఫ్రికా వంటి 8 ప్రాంతాల నుంచి మాత్రమే దరఖాస్తులను ఆహ్వానిస్తోంది.
