Disney: వాల్ట్ డిస్నీలో ఉద్యోగుల తొల‌గింపు .. ఫిల్మ్‌, టీవీ, ఫైనాన్స్ రంగాల్లో వేటు

Disney: ఎంట‌ర్‌టైన్మెంట్ కంపెనీ వాల్ట్ డిస్నీలో వంద‌ల సంఖ్య‌లో ఉద్యోగుల‌ను తీసివేస్తున్నారు. ఫిల్మ్‌, టీవీ, కార్పొరేట్ ఫైనాన్స్ రంగాల‌కు చెందిన ఉద్యోగుల‌పై తాజాగా వేటు వేశారు.

న్యూఢిల్లీ: ఎంట‌ర్‌టైన్మెంట్ కంపెనీ వాల్ట్ డిస్నీ(Disney)లో వంద‌ల సంఖ్య‌లో ఉద్యోగుల‌ను తీసివేస్తున్నారు. ఫిల్మ్‌, టీవీ, కార్పొరేట్ ఫైనాన్స్ రంగాల‌కు చెందిన ఉద్యోగుల‌పై వేటు వేశారు. లేఆఫ్స్ వ‌ల్ల ఫిల్మ్‌, టీవీ మార్కెటింగ్‌, టీవీ ప‌బ్లిసిటీ, క్యాస్టింగ్, డెవ‌ల‌ప్మెంట్ రంగాల‌పై తీవ్ర ప్ర‌భావం ప‌డ‌నున్న‌ది. డిస్నీ ఎంట‌ర్‌టైన్మెంట్ డివిజ‌న్‌లో ఎక్కువ శాతం ఉద్యోగులు తొల‌గింపు ఉన్న‌ది. లాస్ ఏంజిల్స్‌లో ఉన్న డిస్నీ టీవీ స్టాఫ్‌ను ఎక్కువ‌గా తొల‌గిస్తున్న‌ట్లు తెలుస్తోంది. ఇటీవ‌ల కాలం ఉద్యోగుల‌ను తొల‌గించ‌డం డిస్నీ కంపెనీనికి ఇది నాలుగోసారి. 2023 సంవ‌త్స‌రంలో డిస్నీ కంపెనీ సుమారు ఏడు వేల మంది ఉద్యోగుల‌ను తీసివేసిన విష‌యం తెలిసిందే. ఆ ఏడాది డిస్నీ కంపెనీ సుమారు 7.5 బిలియ‌న్ల డాల‌ర్ల ఖ‌ర్చును త‌గ్గించాల‌ని నిర్ణ‌యించింది. ఈ ఏడాది మార్చి నెల‌లో సుమారు 200 మంది ఉద్యోగుల‌ను డిస్నీ తొల‌గించింది.