Pakistan | ఫిబ్రవరి 11న సార్వత్రిక ఎన్నికలు.. షెడ్యూల్‌ విడుదల చేసిన ఈసీపీ

Pakistan | దాయాది దేశం పాకిస్థాన్‌లో సార్వత్రిక ఎన్నికల షెడ్యూల్‌ విడుదలైంది. ఫిబ్రవరి 11న ఎన్నికలు నిర్వహించనున్నట్లు ఎన్నికల సంఘం ఆ దేశ సుప్రీంకోర్టకు తెలిపింది. జనవరి 29 నాటికి నియోజకవర్గాల పునర్వీభజన పూర్తవుతుందని పాకిస్థాన్ ఎన్నికల సంఘం న్యాయవాది సజీల్ స్వాతి సుప్రీంకోర్టుకు తెలిపారు.

Pakistan | దాయాది దేశం పాకిస్థాన్‌లో సార్వత్రిక ఎన్నికల షెడ్యూల్‌ విడుదలైంది. ఫిబ్రవరి 11న ఎన్నికలు నిర్వహించనున్నట్లు ఎన్నికల సంఘం ఆ దేశ సుప్రీంకోర్టకు తెలిపింది. జనవరి 29 నాటికి నియోజకవర్గాల పునర్వీభజన పూర్తవుతుందని పాకిస్థాన్ ఎన్నికల సంఘం న్యాయవాది సజీల్ స్వాతి సుప్రీంకోర్టుకు తెలిపారు. నేషనల్‌ అసెంబ్లీ అండ్‌ పావిన్షియల్‌ లెటిస్లేచర్‌ ఎన్నికలను 90 రోజుల్లోగా నిర్వహించాలని సుప్రీంకోర్టు ఆదేశించింది. 2022 ఏప్రిల్‌లో నేషనల్‌ అసెంబ్లీ అవిశ్వాస తీర్మానంతో ఇమ్రాన్‌ ఖాన్‌ను ప్రతిపక్షం గద్దెదించింది. ఆ తర్వాత పాక్‌లో రాజకీయ సంక్షోభం నెలకొన్నది.

ఇటీవల ఓ న్యూస్‌ ఛానెల్‌కు ఇచ్చిన ఇంటర్వ్యూలో అధ్యక్షుడు అల్వీ మాట్లాడుతూ.. జనవరిలో ఎన్నికలు జరిగే అవకాశం కనిపించడం లేదని పేర్కొన్నారు. పాకిస్థాన్ ఎన్నికల కమిషన్ (ECP)కి లేఖ రాయడంతోపాటు అనేక ప్రయత్నాలు జరిగాయన్నారు. జనవరి చివరి వారంలో ఎన్నికలు జరుగుతాయన్నారు. రాజకీయ పార్టీల డిమాండ్ ఉన్నప్పటికీ, ఖచ్చితమైన తేదీలను ప్రకటించేందుకు నిరాకరించిన విషయం తెలిసిందే. మరో వైపు ఎన్నికల్లో పోటీ చేసేందుకు మాజీ ప్రధాని నవాబ్‌ షరీఫ్‌ స్వదేశానికి చేరుకున్నాడు. అలాగే, మాజీ ప్రధాని ఇమ్రాన్‌ సైతం పలు కేసుల్లో చిక్కుకొని జైలులో ఉన్నారు. ఎన్నికల్లో పోటీ పాల్గొనకుండా చేసేందుకు ప్రభుత్వం తనను అక్రమంగా కేసుల్లో ఇరికించిందని ఆరోపించారు.